UPIBAN 5:12 - KARÚK-PËRIM KAWALU Nouveau Testament

¹² A nga kat përim a nguu ja: “Ubuk-unkaanel un do wunk jakanaa, atsënkan pëjaa ayank pëyëlan, ni bëka, ni kameko, ni uyëlan, ni rëmbana, ni përëmb, ni ubëndan.”

UPIBAN 5:12 ပူးပေါင်းရင်းမြစ်များ

MATEU 28:18

Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia.

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:2

bi m wëlul bunk pëyëlan tsi ruëts bañaan-bajin bëlieng, pa na wël ubiira un dits wi ka ba, pa biki m wëlul biki bëlieng.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

1 TIMOTEU 1:17

Unk nul Nasien tsi ngëwal bëlieng, nan ditsi ka cäts, nan ditsi ka winaa, nul Nasien-batsi koorul, na wëlaan urispiitu ni përëmb pa sandëndën! Ameen!

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 15:3

a bu kë ya kaya Moises, naleemp Nasien-batsi, ni kaya Ubuk-unkaanel, koo ja: “Wi Ajug, Nasien-batsi, Kayëlan-bëlieng, ngi m do ngi aci ngëwiak, a nga par pëjaa! Ina Nasien ngëcaak! Igau amab a i ciind icär!

UPIBAN 19:1

Upar ngëmënts ngun, a n te ko pi përim pëwiak di batsi, përim kandënd bañaan kawiak, a bu kë lië koo ja: “Aleluya! Pëbuer, ni përëmb, ni pëyëlan aci pa Nasien-batsi inja,

UPIBAN 4:11

“Ajug, wi Nasien-batsi wund! M tsënkan përëmbanaa, ni përispitaara, ni pëka pëyëlan, par wi leemp un ngëko bëlieng; undo uŋalu ka wun nga ci, a nga leempaa.”

UPIBAN 5:13

A ko u leempa wi ba këleempa a u ci di batsi, ni tsi utsia, ni bametsu utsia, ni bërëk, ni ngan ci ngi bëlieng tsi ngul, man te nguu ja: “Ubëndan, ni rëmbana, ni përëmb, ni pëtsijëna ko, aci pa nan tsoar unk tsi pëtsoari-pësien, ni pa Ubuk-unkaanel wun, pa sandëndën!”

UPIBAN 5:6

tsi pëcuaf pëtsoari-pësien pun ni ngëko ngëyësal ngëbaakër ngun, ni tsi pëncuaf bajëŋal bukun, a n win Ubuk-unkaanel nats, anaam aro jakana. Atsij këntin paaj ni pëlon, ni këkës paaj ni pëlon, un ci wi Ngëwejats paaj ngun ni ulon, ngi Nasien-batsi, nga yëlee ngi tsi umundu bëlieng.

UPIBAN 5:8

Uwal wi u jej wi ulibëru umënts wun, a ngëko ngëyësal ngëbaakër ngun, ni bajëŋal ngëntaaja ngëtëb bukun ni babaakër jintëla tsi bërun Ubuk-unkaanel wun. Kara un ci wi ni kara nan ci a tsij buncuundu, ni iraani i leempëna yi uwëru a i cum curay, un ci wi bëñaan bayëman.

UPIBAN 5:9

A ngul ni bukul kë ya kaya kawalu, koo ja: “M tsënkan pëjaa m jej ulibëru umënts wun kë pënan ngënuek wul, par m do jakanaa; ni pëñaaku a m weelësi bañaan pa Nasien-batsi, ban pënë-ni biki kara pëbuka, ni kara uliingu, ni kara bañaan-ucaak, ni kara ucaak.

UPIBAN 6:1

A n win uwal wi Ubuk-unkaanel wun pënan wi ulon tsi ngënuek paaj ngun ni ulon; din a n te ulon tsi ngëko ngëyësal ngëbaakër ngu n ja përim pi kampalambamb: “Bili!”

UPIBAN 7:12

a nguu ja: “Ameen! Ubëndan, ni përëmb, ni kameko, ni pëbaran, ni rëmbana, ni pëyëlan, ni uyëlan, aci pa Nasien-batsi wund, pa sandëndën! Ameen!”