UPIBAN 4:8 - KARÚK-PËRIM KAWALU Nouveau Testament

⁸ Ngëko ngëyësal ngëbaakër ngun, aja un ci wi, u tsij ibaakëla paaj. A nga cum ni këkës afay ngul ni di bametsu ngul. Ngul, pënak ni bërëm, di ka wëtan puu ja: “Nayëman, nayëman, nayëman, Ajug, nul Nasien-batsi Kayëlan-bëlieng, nandoi ci, a na ci, a nuu bi!”

UPIBAN 4:8 ပူးပေါင်းရင်းမြစ်များ

NGËRO 20:31

Nda waayan, ndë les wëtaants pëjukan kara ñaan tsi ind, ni mŋand, tsi ko undo wi ngëwaanu ngëwaants, bërëm ni pënak.

2 KORINTU 6:18

Ka ci Asin ind, ndë ci babuk nji bayënts ni bakaats; unk di nul Ajug Kayëlan-bëlieng, ja run.”

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TIMOTEU 4:16

Rukan ibats uwar tsi wi, ni tsi bëjukanu, kuu tambandar tsi ko wan. Par, uci kë ro ank, kii bueran beenu, ni bacikëndënu.

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

BAYEBËREU 13:8

Yeesu Këristu aci bi na ci bunk, taakal, ntsari, pa sandëndën.

UPIBAN 1:4

Joŋ, pa iriisia paaj yun ni ngëlon, di Aasia: Bëtseend ba wëlaan ind ni pëfac, pëpën-ni tsi nan ci, a na ro ci, a nuu bi; ni pëpën-ni tsi Ngëwejats paaj ngun ni ulon ngan ci ngunk tsi bërun pëtsoariul pi pësien;

UPIBAN 1:8

Ajug, un ci wi Nasien-batsi, aja: “Nji n ci-un Alfa ni Omeega, nan ci, a na ro ci, a nuu bi, Kayëlan-bëlieng.”

UPIBAN 11:17

a bu kë ja: “Ajug, wi Nasien-batsi, wi Kayëlan-bëlieng, wi nan ci, wi nandoi ci ba! Wund ka baranu, par m piban pëyëlanu pëwiak, a m natsan pësienu.

UPIBAN 14:11

Uru unoor bukul uwiak koo paya pa sandëndën. Ban jintëla bukunk unjar ni bënaam wul, a ba yank umarëka katim wul, bu ri ka ka pënaakësa, nin pënak, nin bërëm.

UPIBAN 14:3

A ba ci tsi pëya kaya kawalu, tsi bërun pëtsoari-pësien, ni tsi bërun ngëko ngëyësal ngëbaakër ngun ni bajëŋal bukun. A kaats nan yëlani pëjuk kaya kamënts, ucits ba bañaan ngëmiil useent bukun ni ngëmiil ngëntaaja ngëbaakër ni ngëmiil ngëbaakër (144.000), bukul ba weelënee biki di umundu.

UPIBAN 15:3

a bu kë ya kaya Moises, naleemp Nasien-batsi, ni kaya Ubuk-unkaanel, koo ja: “Wi Ajug, Nasien-batsi, Kayëlan-bëlieng, ngi m do ngi aci ngëwiak, a nga par pëjaa! Ina Nasien ngëcaak! Igau amab a i ciind icär!

UPIBAN 15:7

A ulon tsi ngëko ngëyësal ngëbaakër ngun wël ngëwaanju paaj ngun ni ulon iraani paaj ni kalon i leempëna yi uwëru, a i cum uriab Nasien-batsi uwiak, nul nayësal pa sandëndën.

UPIBAN 16:14

Aci ngëwejats ngëcaay; ngul ka ro ngëpibanaani, a nguu tsëp di basien umundu upëban, pëjukëlën bukul pa ukam unu uwiak wun, wi Nasien-batsi Kayëlan-bëlieng.

UPIBAN 16:7

A n te bëgij jaankma, aja: “Eey-e, Ajug, wi Nasien-batsi, Kayëlan-bëlieng, m ja kë wat pëleents kë wat pul tsi ucär, ni tsi bëmabal.”

UPIBAN 19:15

A ulaac un de wi kë pëni di mtum nan dija unk umpëlënc ufaacal, pa pëkobuna ngëcaak. Nul koo yafanaan ngul pëndog pëfeeru; ka poos-poosan kapuañi pëwat uriab, wi ukulëñ Nasien-batsi, Kayëlan-bëlieng.

UPIBAN 19:4

A bajëŋal ngëntaaja ngëtëb bukun ni babaakër, ni ngëko ngëyësal ngëbaakër ngun, yër ajintëla Nasien-batsi, nul nan tsoari tsi pëtsoari-pësien; a bu kë ja ni ngul: “Ameen! Aleluya!”

UPIBAN 21:22

Di përaasa pëmënts pun, nji n winats kato-kayëman; par kato pul kayëman, aci Ajug, nul Nasien-batsi, Kayëlan-bëlieng, ni Ubuk-unkaanel.

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi:

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 4:6

tsi bërun pëtsoari-pësien, a u naam unk pi kabiirdi a ka jënts cës pi ikasa mlik. A ngëko ngëyësal ngëbaakër ngun, ci tsi pëncuaf pëtsoari-pësien, a nga fayand pul ajëkëlan. Ngul, acum ni këkës tsi bërun ni tsi ufets.

UPIBAN 4:9

Aja ngëko ngëyësal ngëbaakër ngun kë rëmban kantsoar tsi pëtsoari-pësien, a ngu wëlul rëmbana, a ngu baranul, nul nayësal pa sandëndën,

UPIBAN 5:6

tsi pëcuaf pëtsoari-pësien pun ni ngëko ngëyësal ngëbaakër ngun, ni tsi pëncuaf bajëŋal bukun, a n win Ubuk-unkaanel nats, anaam aro jakana. Atsij këntin paaj ni pëlon, ni këkës paaj ni pëlon, un ci wi Ngëwejats paaj ngun ni ulon, ngi Nasien-batsi, nga yëlee ngi tsi umundu bëlieng.

UPIBAN 6:1

A n win uwal wi Ubuk-unkaanel wun pënan wi ulon tsi ngënuek paaj ngun ni ulon; din a n te ulon tsi ngëko ngëyësal ngëbaakër ngu n ja përim pi kampalambamb: “Bili!”

UPIBAN 6:6

Din a u naam unk përim pi n te pun tsi pëncuaf ngëko ngëyësal ngëbaakër ngun; aja: “Unkilu uloole wi bëmaaj aciir dinaariu dëloole, a ngënkilu ngëwaants ngi ucimp ciir dinaariu dëloole; maa tsë cok mkër, tsë cok pëwat.”

UPIBAN 7:11

A ngëwaanju bëlieng nats afay pëtsoari-pësien, afayand bajëŋal bukun ni ngëko ngëyësal ngëbaakër ngun. tsi bërun pëtsoari-pësien, nga yër alëm ngërostu, a nga jintëla Nasien-batsi,

UPIBAN 7:15

Wul ka wun ba ci tsi bërun pëtsoari Nasien-batsi pi pësien, a bu kë leemparul, pënak ni bërëm, di katoul kayëman. Nan tsoar unk tsi pëtsoari-pësien ka kundëna bukul ulimëntsul.