UPIBAN 4:6 - KARÚK-PËRIM KAWALU Nouveau Testament

⁶ tsi bërun pëtsoari-pësien, a u naam unk pi kabiirdi a ka jënts cës pi ikasa mlik. A ngëko ngëyësal ngëbaakër ngun, ci tsi pëncuaf pëtsoari-pësien, a nga fayand pul ajëkëlan. Ngul, acum ni këkës tsi bërun ni tsi ufets.

UPIBAN 4:6 ပူးပေါင်းရင်းမြစ်များ

UPIBAN 14:3

A ba ci tsi pëya kaya kawalu, tsi bërun pëtsoari-pësien, ni tsi bërun ngëko ngëyësal ngëbaakër ngun ni bajëŋal bukun. A kaats nan yëlani pëjuk kaya kamënts, ucits ba bañaan ngëmiil useent bukun ni ngëmiil ngëntaaja ngëbaakër ni ngëmiil ngëbaakër (144.000), bukul ba weelënee biki di umundu.

UPIBAN 15:2

A n win ko pi bërëk bëjëntsal pi kabiirdi, ban bofëlar bi ni bërua. A ban kuk biki un jar umënts wun ni bënaam wul, ni upinara katim wul, bë nats tsi bërëk bëjëntsal bun pi kabiirdi, a ba tsij incuundu i Nasien-batsi wël yi bukul;

UPIBAN 15:7

A ulon tsi ngëko ngëyësal ngëbaakër ngun wël ngëwaanju paaj ngun ni ulon iraani paaj ni kalon i leempëna yi uwëru, a i cum uriab Nasien-batsi uwiak, nul nayësal pa sandëndën.

UPIBAN 19:4

A bajëŋal ngëntaaja ngëtëb bukun ni babaakër, ni ngëko ngëyësal ngëbaakër ngun, yër ajintëla Nasien-batsi, nul nan tsoari tsi pëtsoari-pësien; a bu kë ja ni ngul: “Ameen! Aleluya!”

UPIBAN 21:11

Pul, a tsij përëmb Nasien-batsi, a puu lik-lik pi pëlaak pan ka pi mak bëkat, pi pëlaak pi kanjaka pi jaspi, pëjielal pi kabiirdi.

UPIBAN 21:18

Pëlënk aleempëna jaspi; a përaasa leempëna uwëru ujënts cës, pi kabiirdi kajëntsal cës.

UPIBAN 21:21

Këlëman untaaja kun ni këtëb, aci këlaants untaaja ni këtëb; kara pëlëman aleempëna pëlaants pëloole rin. Kënjëkënts përaasa, aleempëna uwëru ujënts cës, pi kabiirdi kajëntsal.

UPIBAN 22:1

A uwaanju umënts wun pibanin kabulaŋ mlik ubiira; aci kajielal pi kabiirdi, a kuu pëni tsi pëtsoari-pësien, pan ci punk pi Nasien-batsi ni Ubuk-unkaanel;

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 5:11

Din a n teen, a n te përim ngëwaanju ngëcumal, aci ngëmiilion useent te ngëyaas ngëmiilion useent, ni ngëmiil ngëmiil, a nga fay pëtsoari-pësien ajëkëlan, ni ngëko ngëyësal ngëbaakër ngun, ni bajëŋal bukun.

UPIBAN 5:14

A ngëko ngëyësal ngëbaakër ngun kë ja: “Ameen!” A bajëŋal bukun yër, a ba jintëla kanci-nayësal.

UPIBAN 5:6

tsi pëcuaf pëtsoari-pësien pun ni ngëko ngëyësal ngëbaakër ngun, ni tsi pëncuaf bajëŋal bukun, a n win Ubuk-unkaanel nats, anaam aro jakana. Atsij këntin paaj ni pëlon, ni këkës paaj ni pëlon, un ci wi Ngëwejats paaj ngun ni ulon, ngi Nasien-batsi, nga yëlee ngi tsi umundu bëlieng.

UPIBAN 5:8

Uwal wi u jej wi ulibëru umënts wun, a ngëko ngëyësal ngëbaakër ngun, ni bajëŋal ngëntaaja ngëtëb bukun ni babaakër jintëla tsi bërun Ubuk-unkaanel wun. Kara un ci wi ni kara nan ci a tsij buncuundu, ni iraani i leempëna yi uwëru a i cum curay, un ci wi bëñaan bayëman.

UPIBAN 6:1

A n win uwal wi Ubuk-unkaanel wun pënan wi ulon tsi ngënuek paaj ngun ni ulon; din a n te ulon tsi ngëko ngëyësal ngëbaakër ngu n ja përim pi kampalambamb: “Bili!”

UPIBAN 6:6

Din a u naam unk përim pi n te pun tsi pëncuaf ngëko ngëyësal ngëbaakër ngun; aja: “Unkilu uloole wi bëmaaj aciir dinaariu dëloole, a ngënkilu ngëwaants ngi ucimp ciir dinaariu dëloole; maa tsë cok mkër, tsë cok pëwat.”

UPIBAN 7:11

A ngëwaanju bëlieng nats afay pëtsoari-pësien, afayand bajëŋal bukun ni ngëko ngëyësal ngëbaakër ngun. tsi bërun pëtsoari-pësien, nga yër alëm ngërostu, a nga jintëla Nasien-batsi,

UPIBAN 7:17

Par Ubuk-unkaanel wun, wul un ci wi tsi pëcuaf pëtsoari-pësien, koo yafan bukul, uu tsëpand bukul tsi ngëkëpës mlik ubiira. Din Nasien-batsi ka faa mŋand bëlieng tsi këkës bukul.”