UPIBAN 3:5 - KARÚK-PËRIM KAWALU Nouveau Testament

⁵ Unk, nakuk ka tiema iŋi ifaacal. In di ka n pënan katimul yaas di ulibëru ubiira; mándu katimul tsi bërun Asin nji, ni tsi bërun ngëwaanjuul.

UPIBAN 3:5 ပူးပေါင်းရင်းမြစ်များ

MATEU 10:32

A ban ja biki tsi bërun bañaan bëci namiñ, nji buts, tsi bërun Asin nji nan cii di batsi, mee ja bukul bë ci bamiñ.

LÚKAS 10:20

Ind tsë lílan undo bi ngëcaay ro bi ko wi nda ja wi ngul. Maa, nda lílani undo bi itim ind picanaa bi di batsi.”

LÚKAS 12:8

“Man ja ind: Na niirani tsi bërun bañaan na ci namiñ, Abuk ñaan-najin, kee niiranul tsi bërun ngëwaanju Nasien-batsi.

FILIIPUS 4:3

Eey-e, wi kambof-uleemp ni nji, nacär! Man ñaanu këñaan, tsënkan bakaats bamënts biki, bukul ban kamandar biki Upetsan-uwar tsëloole ni nji, ni Këlementi, ni baleemp ni nji ban duka bukunk bëlieng, bukul biki itim bukul ci yi di ulibëru ubiira.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.

UPIBAN 19:8

awëla pëtiema kaŋí ka leempëna ki imuets iluelal a kuu lik-lik, a ka ci kajëntsal;” par kaŋí ka leempëna kunk imuets iluelal, apiban u ci ngëmabal ngi bayëmanja ngi ba roon bu kë ro.

UPIBAN 2:11

Nan kai kabats, na tean ko wi Uwejats ci wi tsi pëja iriisia. Nakuk, yaas a pëcäts pëtëbantsan ka roul ko.’”

UPIBAN 2:7

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re ko tsi bëko ubiira, bul ban ci bi di tsëko-ngëlílal Nasien-batsi.’”

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.

UPIBAN 20:15

A na winaatsee ba na picana di ulibëru ubiira, agutsaa di pëwal bërua.

UPIBAN 21:27

Nin utsopal di ka niaj rul yaas, nin naro ko uñutsanuel, oo wi kafal. Maa aci koon ban picanaa biki tsi ulibëru ubiira Ubuk-unkaanel.

UPIBAN 22:19

A uci ñaan pënan ko tsi irim in car yink aleentsaa tsi ulibëru umënts wi, Nasien-batsi kee pënan kafaul tsi bëko ubiira, ni pëbofara përaasa pëyëman; ulibëru umënts wi apiban bi bëko ubiira bun ni bi përaasa pëyëman pun ci bi ja.

UPIBAN 3:12

Nakuk, mán tsuul na ci pëcap di kato-kayëman Nasien-batsi nji; katse ka pëndul yaas. Mán pican tsi nul katim Nasien-batsi nji, ni katim përaasa Nasien-batsi nji, un ci wi Jerusalem dëwalu di kan pëni ri di batsi, tsi Nasien-batsi, du welee; mán picanaand tsi nul katim nji kawalu.

UPIBAN 3:4

Maa m ka bañaan ko uties di Sardis, ban tsopanats biki iŋi bukul yi bëtiem. Bu ka tiema iŋi ifaacal, bu kë yandaar ni nji, par bu tsënkan përo ank.

UPIBAN 6:11

Din, a ba wëla kara nan ci kaŋí-bëtiem kafaacal, kayampal. A ba jaka ba wamaan naakësa ko uties, aa bacints bukul baleemp ka tsënkëna ka bai bi ba ci bi, bukul ban tsaar biki ni bukul, a ba ruka yecisa pëfiŋaa buts pi bukul.