UPIBAN 3:4 - KARÚK-PËRIM KAWALU Nouveau Testament

⁴ Maa m ka bañaan ko uties di Sardis, ban tsopanats biki iŋi bukul yi bëtiem. Bu ka tiema iŋi ifaacal, bu kë yandaar ni nji, par bu tsënkan përo ank.

UPIBAN 3:4 ပူးပေါင်းရင်းမြစ်များ

MATEU 10:11

Tsi kara përaasa pi nda niaj pi, oo untab, nda tsasandul ñaan nan jëntsi pëwelan ind; ndë ci rul te upën ind.

MARKU 16:5

Bi ba niaj bi pëbuk, a ba win ulon upaas tsoar tsi kajara kariir, atiema iŋi ifaacal; a bakaats pikra, ba lënk mak.

LÚKAS 20:35

Maa, ba wina biki ba tsënkan pëjaa bë bof tsi umundu wi kan bi wi, ni tsi kanatsee-di-pëcäts, bë ri ka nim, bë ri ka nimana.

LÚKAS 21:36

Nda waayan, nda ñaanan tsi uwal un ci wi-ba këci, pa ind pëka uyëlan pëbuërëna tsi ngëko ngan ka ngi pëbaandi bëlieng, pa ind pënats tsi bërun Abuk ñaan-najin.”

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

2 TESALONIKA 1:5

Ngul apiban kawat-pëleents ki Nasien-batsi kë wat ki ci kamabal. Unk ngul, ngë tsu ind pëtsënkan pëci biki pësien Nasien-batsi, pul pi nda ci pi tsi pënoorar.

JÚDAS 1:23

nda waji bukul di bërua, ndë bueran bukul. Nda yëkari bacints bukun ipës tsi puu lënk Nasien-batsi; maa, nda ñutsaan ŋal iŋi yi ngëliaf bukul tsopan yi.

UPIBAN 1:11

aja: “Ko wi kë win wi, picani wul di ulon ulibëru, kë wëtan wul pa iriisia paaj yun ni ngëlon: Pa Efeesu, pa Sëmirna, pa Peergamu, pa Tiatiira, pa Sardis, pa Filadeelëfia, ni pa Laodiseeya.”

UPIBAN 11:13

tsi uler umënts wun, a utsia siintsar mak, din a uja tsi ijara untaaja yi përaasa pëmënts pun, kaloole ka yër. A bañaan ngëmiil paaj ni ulon (7.000) fiŋa tsi usiintsar utsia. A banduka biki lënk mak, a ba rëmban Nasien-batsi batsi.

UPIBAN 14:4

Bamënts biki, bë ci ban tsopandarats biki ni bakaats, par bu meets ŋaats. Bukul ci bukun bafets Ubuk-unkaanel, tsi uu ya tsi ba këya. Bukul bu weelee tsi pëncuaf bañaan pa ba ci ngëtseend-ngëcak pa Nasien-batsi, ni Ubuk-unkaanel.

UPIBAN 19:14

A impañ-bakaman in ci yi di batsi ci tsi pëfetsul; bu tiema iŋi iluelal ifaacal, a i ciind ijëntsal, a ba rija ngëmpëlënc ngëfaacal.

UPIBAN 19:8

awëla pëtiema kaŋí ka leempëna ki imuets iluelal a kuu lik-lik, a ka ci kajëntsal;” par kaŋí ka leempëna kunk imuets iluelal, apiban u ci ngëmabal ngi bayëmanja ngi ba roon bu kë ro.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.

UPIBAN 3:5

Unk, nakuk ka tiema iŋi ifaacal. In di ka n pënan katimul yaas di ulibëru ubiira; mándu katimul tsi bërun Asin nji, ni tsi bërun ngëwaanjuul.

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 6:11

Din, a ba wëla kara nan ci kaŋí-bëtiem kafaacal, kayampal. A ba jaka ba wamaan naakësa ko uties, aa bacints bukul baleemp ka tsënkëna ka bai bi ba ci bi, bukul ban tsaar biki ni bukul, a ba ruka yecisa pëfiŋaa buts pi bukul.

UPIBAN 7:9

A ngëmënts ngun par, din a n win: aci kandënd bañaan kawiak mak; ñaan yëlaants pëpin bukul. Bë pënë-ni ngëcaak bëlieng, ni këbuka bëlieng, ni bañaan bëlieng, ni ngëlíingu bëlieng; bu nats tsi bërun pëtsoari-pësien ni tsi bërun Ubuk-unkaanel wun. Bë tiema iŋi iyampal ifaacal, a ba tsij ikënd tsi iñan bukul.