UPIBAN 3:18 - KARÚK-PËRIM KAWALU Nouveau Testament

¹⁸ Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.

UPIBAN 3:18 ပူးပေါင်းရင်းမြစ်များ

MATEU 13:44

Pësien batsi anaam pi bëka ban beka bi di tsëlon tsëko; a ñaan bi win bul, a na bek bul. A na tsëp ni ulílan, a nee waap bëkaul bëlieng, a na weel tsëko tsëmënts tsun.

MATEU 25:9

A bameko yank bukul aja: ‘Nin a, di kee man kës wund ni ind. Nda roon ndë tsëp di ba waap mul, ndii weeli míic ind.’

LÚKAS 12:21

Ni kan jukëlëni ngëko pa beenul, te cits narëmb tsi uleka Nasien-batsi, unk di uu ci run pa nul.

2 KORINTU 5:3

uci ngii tsënkaa ngë tiema ko, a ngë ruentats.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

1 TIMOTEU 6:18

Jaan bukul ba ci tsi puu ro uwar; ba ciin barëmb tsi karo ngëwar, batseend ni ibats in fac yi, bu ka ciind ban yecis biki puu faar ni bañaan.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

UPIBAN 16:15

Nda teenan-e! Mán bi pi nakiej. Anaak, nan duki ibats, a na tsuunkar iŋiul yi bëtiem uwar, pa na rits yandaar ni katiemaatsa-ko, mkawul përits winaa!

UPIBAN 19:8

awëla pëtiema kaŋí ka leempëna ki imuets iluelal a kuu lik-lik, a ka ci kajëntsal;” par kaŋí ka leempëna kunk imuets iluelal, apiban u ci ngëmabal ngi bayëmanja ngi ba roon bu kë ro.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.

UPIBAN 3:17

Par, m ja m doon kuu ja: Man ci narëmb, man ka bëka, nji n fierats ko. Maa m meets këme m juatsan, m jampësan, m danj, m kuelëts, a m tiemaatsa ko.

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 7:13

A nalon tsi bajëŋal bukun jipanaanin, aja: “Ban tiema bikink iŋi iyampal ifaacal, bë ci bokoom, a ba pëni tsum?”