UPIBAN 3:11 - KARÚK-PËRIM KAWALU Nouveau Testament

¹¹ Mán baandi tsi ko un car wi. Moban liincan ko wi m ka wi, pa ñaan tsë yankënu ucapeu wi pësien.

UPIBAN 3:11 ပူးပေါင်းရင်းမြစ်များ

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

FILIIPUS 4:5

Kajuab-ngëwaas ind, bañaan bëlieng ba mean kul. Ajug awokani.

2 TIMOTEU 2:5

Unk buts, tsi ukam-kampëtar, nakaman di ka wëla bëluk nagaañaar, uci na kamanats bi u tsua bi tsi ukam-kampëtar.

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

JAKOB 1:12

Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.

JAKOB 5:9

Batsaar ni nji! Ind tsuu tsë ŋëmŋëm tsi uleka acints ind, pa nda rits wata pëleents. Nda teenan-e! Nawat-pëleents nats ink ba tsi pëlëman.

UPIBAN 1:3

Anaak, nan kati përim a nuu layir irim tsi uleka ko un car wink aleentsaa; a ba naak, ban ci biki tsi pëcikëndën wul a ba mob tsi ngan picana ngi tsi wul! Par uwal awokani.

UPIBAN 16:15

Nda teenan-e! Mán bi pi nakiej. Anaak, nan duki ibats, a na tsuunkar iŋiul yi bëtiem uwar, pa na rits yandaar ni katiemaatsa-ko, mkawul përits winaa!

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 2:25

Maa nda moban nda liincan ko wi nda ka wi, te ka tsënkëna ka baandi.

UPIBAN 22:12

Nji ka n bi ink tsi ko un car wi! Man tsiji bëluk, pa pëlukëna kara ñaan ko u liing wi këliing ni wi na ro wi.

UPIBAN 22:20

Na leentsi ngëmënts ngun, aja: “Eey-e! Nji ka n bi ink tsi ko un car wi.” Ameen! Bili, Yeesu, Ajug!

UPIBAN 22:7

“Nji ka n bi ink tsi ko un car wi! Anaak, na mobi tsi irim in car yink aleentsaa di ulibëru umënts wi!”

UPIBAN 3:3

Lesan bi m jukana bi m ja, ni bi m te bi m ja; moban tsul, yaari ibats. Maa uci m katats ibats, din ka bi pi nakiej, te m di kë me koon këme uler wi ndu n bi wi tsi wi.

UPIBAN 4:10

din bajëŋal ngëntaaja ngëtëb bukun ni babaakër ka yër tsi bërun nan tsoar unk tsi pëtsoari-pësien, bu ka jintëla Nanci-nayësal pa sandëndën, din bu ka guts ngëcape bukul ngi pësien, tsi bërun pëtsoari-pësien, bu kë ja:

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.