UPIBAN 3:10 - KARÚK-PËRIM KAWALU Nouveau Testament

¹⁰ Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.

UPIBAN 3:10 ပူးပေါင်းရင်းမြစ်များ

MATEU 24:14

Upetsan-uwar pësien Nasien-batsi wi, ka leentsa di umundu bëlieng, pa pëci upibanaani pa ban cits biki Bajudeu bëlieng. Din, utuami ka baandi.

MATEU 26:41

Nda waayan nduu ñaanand, pa nda rits yër tsi kafäl. Uwejats ayecis pa përo, maa katël labuts.”

MATEU 6:13

Tsë wët wund, wund yër tsi mteen-teenana; maa buerani wund tsi kañan nakaalam. Par pësien aci piicu, ni ufosa ni përëmb, pa sandëndën. Ameen!

MARKU 14:9

Mán leents ind ucär: Tsi Upetsan-uwar kë leentsaa tsi, tsi umundu bëlieng, ko wi ŋaatsi ro wi, ka leentsaa buts pa pëlesënaul.”

LÚKAS 2:1

Tsi uwal umënts wun, Agustu, nasien nawiak tsu ulua pa bañaan bëlieng pëmarkaara.

KAKÚRAN-KAWAR YEESU KRISTU BI JOŊ LEENŢ BI KUL AJA 17:6

Bañaan biki m pënani biki di umundu a m wëlin, man tsu bukul a ba me katimu. Bu ro ci bayiicu, a m wëlin bukul, a ba mob tsi përimu.

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

1 KORINTU 10:13

Mteen-teenana di ka baandë-ni ind, ucits ba mi kan baandë-ni mi bañaan-bajin; maa Nasien-batsi aci na mobi tsi përim, a di ka niiran ind pëteen-teenana pëpean ko wi nda yëlan wi. Maa tsi uwal mteen-teenana, në wël buts bëga bëbuërëni, pa ind pëyëlan mul.

EFEESU 6:13

Inkri nda jejan iŋi Nasien-batsi bëlieng, ikamanaani; pa ind pëtambandar tsi pëpokëna tsi ngënu nga waraatsa ngi, ni pëci ba nats biki uwar uwal wi nda ba wi përo ngëko bëlieng.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

JAKOB 3:12

Batsaar ni nji! Bëkungul, ane a yëlan pëbuk mëoliwa-a? A bëbiiñu, ane a yëlan pëbuk mbuk bëkungul-a? Unk buts, tsëko tsi kan pënani tsi mlik mwaay di ka pënani mlik mjuab.

1 PER 4:12

Ind ba ŋala biki, ind tsë pikra tsi mteenamana myëkanuel mi kan bi mi tsi ind, mul cits ko ulon un pats wi.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 11:10

Din bañaan tsi umundu ka lílan tsi uleka pëcäts bukul, bu kë juc ni ulílan, bu kë wëlar ngëtseend ni bacints bukul, par bayëlia batëb bamënts biki bu ro ka nooran mak ban ciina biki umundu.

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”

UPIBAN 14:6

Din a n win uwaanju ucints, a uu yits di umetaari batsi, a tsij Upetsan-uwar un dits wi ka ba, pa pëleents wul ban ciina biki utsia, kara ucaak, kara pëbuka, kara uliingu, ni kara bañaan-ucaak.

UPIBAN 16:14

Aci ngëwejats ngëcaay; ngul ka ro ngëpibanaani, a nguu tsëp di basien umundu upëban, pëjukëlën bukul pa ukam unu uwiak wun, wi Nasien-batsi Kayëlan-bëlieng.

UPIBAN 17:2

Basien umundu, bu túk ufuts ni nul, a bañaan ban ciina biki umundu kuj pëwat katúk-ufutsul.”

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 3:8

‘Ma me ngi m ja ngi m doon kuu ro. Teenan-e! Man tsu tsi bërunu pëlëman pa waantsa pi, pi ñaan yëlaants pi përíc. Ma me m tienkëts pëyëlan, maa m mob tsi përim nji a m wëtaants katim nji.

UPIBAN 6:10

A ba kat përim mak koo ja: “Wi, Nawiak na yëmani a m ciind nacӓr! Kë lip aa lum i, kii rura wat pëleents, kë lukandar wund pëkaw, bi bañaan umundu fiŋ wund bi?”

UPIBAN 8:13

Din a n teen, a n te uwabankank kë yits di pëcuaf batsi, a u kat përim koo ja: “Cay! Cay! Cay ban ciina biki utsia, undo uleentsar ngëluur ngan duka ngunk, ngi ngëwaanju ngëwaants ngun wama ngi ka pëfuts!”