UPIBAN 22:9 - KARÚK-PËRIM KAWALU Nouveau Testament

⁹ Maa a u jain: “Teenan-e, cats ro! Man ci acintsu naleemp, ni acints ban tsaar biki ni wi, un ci wi-bayëlia, ni acints bamob tsi irim ulibëru umënts wi. Nasien-batsi ni m ka un pëjintëla.”

UPIBAN 22:9 ပူးပေါင်းရင်းမြစ်များ

MATEU 4:9

a u jaul: “Ngi bëlieng, ma welu ngul, uci m yër m jintëlain.”

LÚKAS 4:7

Uci m jintëlain, pë ci piicu bëlieng.”

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;

UPIBAN 1:11

aja: “Ko wi kë win wi, picani wul di ulon ulibëru, kë wëtan wul pa iriisia paaj yun ni ngëlon: Pa Efeesu, pa Sëmirna, pa Peergamu, pa Tiatiira, pa Sardis, pa Filadeelëfia, ni pa Laodiseeya.”

UPIBAN 14:7

A uu ja ni përim pëwiak: “Nda lënkan Nasien-batsi ndë rëmbanul, par uler kawat-pëleentsul, abaandi. Nda jintëlaan na leempi batsi, ni utsia, ni bërëk, ni ngëkëpës.”

UPIBAN 15:4

Ajug! Yën dits un ka lënku? Yën dits un ka rëmban katimu? Par, wi rin yëman un. Wul ka wun, ngëcaak bëlieng ka bi ngë jintëla tsi bërunu, par ngëmabal ngi m do ngi apibanaa.”

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 22:10

A u jain kak: “Irim in car yink aleentsaa tsi ulibëru umënts wi, cats nuekan yul, par uwal awokani.

UPIBAN 22:18

Nji ka n leents ank nan tei ba këte irim in car yink aleentsaa tsi ulibëru umënts wi: Uci ñaan lak ko tsi yul, Nasien-batsi kee lakul ngënjuatsia ngan picana ngi tsi ulibëru umënts wi.

UPIBAN 22:7

“Nji ka n bi ink tsi ko un car wi! Anaak, na mobi tsi irim in car yink aleentsaa di ulibëru umënts wi!”

UPIBAN 4:10

din bajëŋal ngëntaaja ngëtëb bukun ni babaakër ka yër tsi bërun nan tsoar unk tsi pëtsoari-pësien, bu ka jintëla Nanci-nayësal pa sandëndën, din bu ka guts ngëcape bukul ngi pësien, tsi bërun pëtsoari-pësien, bu kë ja:

UPIBAN 9:20

Bañaan banduka bukunk, biki ngënjuatsia ngëmënts ngun fiŋats biki, bë yaarats ibats tsi ngi iñan bukul kë ro ngi; bu wëtaants pëjintëla ngëcaay, ni icap i leempëna yi uwëru, i leempëna yi uncaam-utsak, i leempëna yi mtsak-mjankal, i leempëna yi ilaak, i leempëna yi pëmul, te di ka win, di ka te, di ka yandaar.