UPIBAN 22:5 - KARÚK-PËRIM KAWALU Nouveau Testament

⁵ Bërëm katse ka ci; ufietsar ulamp di ka fieraa, nin ufietsar unu. Par Ajug, nul Nasien-batsi, ka fiets un tsi ruets bukul. A bu kë sien, pa sandëndën.

UPIBAN 22:5 ပူးပေါင်းရင်းမြစ်များ

MATEU 19:28

A Yeesu ja bukul: “Mán leents ind ucär: Ind ban ci biki tsi pëfetsin: Uwal wi ngëko bëlieng kë witsa wi ngëwalu, Abuk ñaan-najin ka tsoar tsi pëtsoariul pi pësien, pi përëmb. Ind buts, ndë tsoar tsi këtsoari-pësien, untaaja ni këtëb, ndë wat këbuka Israel pëleents, kul untaaja kun ni këtëb.

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

ROOMA 5:17

Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

UPIBAN 11:15

A uwaanju upaajantsan ni ulon futs uluur, din a irim iwiak tea di batsi a yuu ja: “Pësien umundu aruka ci pi Ajug nja ni pi Këristuul, a nuu sien pa sandëndën!”

UPIBAN 18:23

Ufac ulamp, katse ka fiets tsi wi, yaas. Përim nanim ni pi nanima, katse ka tea tsi wi, yaas. Par bajulau ro bukun ci bañaan bawiak tsi umundu, par ngëkou ngi bëpene afäl ngëcaak bëlieng;

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 20:6

Bë naak, a ba yëman, ban bof biki tsi kanatsee-di-pëcäts kacak! Pëcäts pëtëbantsan yëlaants ko tsi bukul, maa bu ka ci bajakan Nasien-batsi ni biki Këristu, bu kë sien ni nul aa ngëwaanu umiil (1.000).

UPIBAN 21:11

Pul, a tsij përëmb Nasien-batsi, a puu lik-lik pi pëlaak pan ka pi mak bëkat, pi pëlaak pi kanjaka pi jaspi, pëjielal pi kabiirdi.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.