UPIBAN 21:3 - KARÚK-PËRIM KAWALU Nouveau Testament

³ A n te përim pëwiak pëni di pëtsoari-pësien, a pa ja: “Wuu wi, unkundan Nasien-batsi ni bañaan-bajin! Nul koo ci ni bukul. Bu ka ci bañaanul, a nul Nasien-batsi bërierul kë ci ni bukul, [në ci Nasien-batsi bukul.]

UPIBAN 21:3 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 14:23

A Yeesu yankul aja: “Uci ñaan ŋalin, në mob tsi përim nji, Asin nji ka ŋalul, wund ka bi tsi nul, wund ka ciina tsi nul.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

2 KORINTU 6:18

Ka ci Asin ind, ndë ci babuk nji bayënts ni bakaats; unk di nul Ajug Kayëlan-bëlieng, ja run.”

1 TESALONIKA 3:11

Inkri, Nasien-batsi nja nul Asini njabërierul, ni Ajugnja Yeesu, ka waants wund bëga pëbi di ind.

BAYEBËREU 11:16

Maa, bu lofëntsar ucaak un pe wi pëwara, un ci wi, wi batsi. Wul ka wun Nasien-batsi kawaatsa pëjaka Nasien-batsi bukul, par ayecis bukul përaasa.

BAYEBËREU 8:10

Ajug aja: ‘Ki ci kun karo-pëloole ki ndu ndo ki ni kato Israel, upar uwal umënts, mán tsu ngëtsua nji tsi ngëwejats bukul, ka pican ngul di ngëwaas bukul. Mán ci Nasien-batsi bukul, bu ka ci bañaan nji.

BAYEBËREU 8:2

a na ci tsi uleemp, wi tsëko-tsëyëman, wi unkundan ucär wi Ajug natsan wi; cits ñaan-najin natsan un wul.

UPIBAN 10:4

Uwal wi impalambamb paaj yun ni kalon leentsi wi, a uyecis nji wun pëpican, a n te përim pëni di batsi a pa ja: “Ngi impalambamb paaj yun ni kalon ja ngunk, nuekani ngul nga rits meaa; cats pican ngul.”

UPIBAN 10:8

A përim pi ndo punk n te, upëni pul wun batsi, ñakanaanin kak aja: “tsëpan, jejan ulibëru u waantsa wunk, un ci wunk di kañan uwaanju u nats wunk tsi bërëk ni tsi utsia.”

UPIBAN 12:10

A n te përim pëwiak di batsi, a pa ja: “Inkri, pëbuer abaandi, ni pëyëlan ni Pësien Nasien-batsi inja, ni pëyëlan Këristuul. Par, natumtsar batsaar ni inja awatee, wul unja wi u roon uu tumtsar bukul tsi bërun Nasien-batsi, pënak ni bërëm.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.

UPIBAN 22:3

Përim pëjuatsal katse ka jaka koon këjaka. Pëtsoari-pësien, pi Nasien-batsi ni Ubuk-unkaanel, ka ci di përaasa pëmënts pun, baleempul kë jintëlaul,

UPIBAN 7:15

Wul ka wun ba ci tsi bërun pëtsoari Nasien-batsi pi pësien, a bu kë leemparul, pënak ni bërëm, di katoul kayëman. Nan tsoar unk tsi pëtsoari-pësien ka kundëna bukul ulimëntsul.