UPIBAN 21:2 - KARÚK-PËRIM KAWALU Nouveau Testament

² A n win përaasa pëyëman pëni di batsi a puu welee, pul Jerusalem dëwalu; apëni di Nasien-batsi, ayecis pi nanima warandana un bëtiem pa ayënul.

UPIBAN 21:2 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 3:29

Ñaan nan kai nanima, aci nanim; maa bëfetsar nanim, nan ci tsul a nuu cikëndënul, ka lílan mak, undo përim nanim. Unk, ulílan nji umënts wi, aba pëci uwar.

2 KORINTU 11:2

Par pëlaaŋaraan pi n laaŋaraan ind pi apënë-ni di Nasien-batsi. Par man cueban ind ayën ind naloole, un ci wi Këristu; pi nampëli na meetsi niints najënts.

BAYEBËREU 11:10

Par, aro ka lip këlip përaasa pan ka pi iujuundi, a Nasien-batsi ci-un na n jaaki bi pu ci bi, a na ciind na leempi pul.

BAYEBËREU 11:16

Maa, bu lofëntsar ucaak un pe wi pëwara, un ci wi, wi batsi. Wul ka wun Nasien-batsi kawaatsa pëjaka Nasien-batsi bukul, par ayecis bukul përaasa.

BAYEBËREU 12:22

Maa nda baandi tsi Untunda Sion, tsi përaasa Nasien-batsi nayësal, Jerusalem batsi, tsi ngëwaanju ngëmiil bupinaats nga júk ngi tsi karo ufesta.

BAYEBËREU 13:14

Par tsi umundu wi, ngë kaats përaasa pnja kë ciina pi; maa ngë ci tsi pëtsas përaasa pi kan baandi pi.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;

UPIBAN 1:4

Joŋ, pa iriisia paaj yun ni ngëlon, di Aasia: Bëtseend ba wëlaan ind ni pëfac, pëpën-ni tsi nan ci, a na ro ci, a nuu bi; ni pëpën-ni tsi Ngëwejats paaj ngun ni ulon ngan ci ngunk tsi bërun pëtsoariul pi pësien;

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 11:2

Maa bulay bun di utsand kato-kayëman, wëtan unk bul, cats niib bul, par bul awëlaa pa ban cits biki Bajudeu, biki kan poos-poosan biki përaasa pëyëman pun, ba ro këlí ngëntaaja ngëbaakër ni këtëb.

UPIBAN 21:10

tsi uwejats, a uwaanju umënts wun tsëpandin di untunda uwiak, uyampal. A u pibanin përaasa pëyëman, Jerusalem, a pa pëni di batsi, tsi Nasien-batsi, a pa ci tsi pëwelee.

UPIBAN 21:9

A ulon tsi ngëwaanju paaj ngun ni ulon, ngan tsij ngunk iraani paaj yun ni kalon, in cum yi ngënjuatsia ngëtuami, paaj ngun ni ulon, bi a u ñakanaanin aja: “Bili, mán pibanu nanima, aar Ubuk-unkaanel.”

UPIBAN 22:17

A Uwejats ni nanima, ci tsi pëja: “Bili!” A nan tei, na jaan: “Bili!” Na lofëntsi, na bili. Na ŋali, na yankan mlik ubiira, bëlukats.

UPIBAN 22:19

A uci ñaan pënan ko tsi irim in car yink aleentsaa tsi ulibëru umënts wi, Nasien-batsi kee pënan kafaul tsi bëko ubiira, ni pëbofara përaasa pëyëman; ulibëru umënts wi apiban bi bëko ubiira bun ni bi përaasa pëyëman pun ci bi ja.

UPIBAN 3:12

Nakuk, mán tsuul na ci pëcap di kato-kayëman Nasien-batsi nji; katse ka pëndul yaas. Mán pican tsi nul katim Nasien-batsi nji, ni katim përaasa Nasien-batsi nji, un ci wi Jerusalem dëwalu di kan pëni ri di batsi, tsi Nasien-batsi, du welee; mán picanaand tsi nul katim nji kawalu.