UPIBAN 20:4 - KARÚK-PËRIM KAWALU Nouveau Testament

⁴ A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 20:4 ပူးပေါင်းရင်းမြစ်များ

MATEU 19:28

A Yeesu ja bukul: “Mán leents ind ucär: Ind ban ci biki tsi pëfetsin: Uwal wi ngëko bëlieng kë witsa wi ngëwalu, Abuk ñaan-najin ka tsoar tsi pëtsoariul pi pësien, pi përëmb. Ind buts, ndë tsoar tsi këtsoari-pësien, untaaja ni këtëb, ndë wat këbuka Israel pëleents, kul untaaja kun ni këtëb.

MATEU 24:10

Din, u ci ko wi ka wat wi bacumal; bu ka yalër ufets, bu kë ñaasëlër.

MARKU 6:16

Maa, Eroodis kë te ko wan, a na ja: “Aci Joŋ, ni n tsui na fala been, natsee un di pëcӓts.”

MARKU 6:27

Ucar umënts wun, na tsu nagaarir na ya nii tsiji been Joŋ-namijan. Nagaarir ya ee fal been Joŋ-namijan di ukalabus.

MARKU 9:11

A ba bafetsul yeparul aja: “We ka wun, a bapican-ngëtsua ja ba roon bu kë ja Eliyas ka un pëwitsee bërun?”

LÚKAS 1:17

Nasien-batsi ka runanul, në wëlandul uwejats ni uyëlan Eliyas, nayëlia. Ka wëlul wul, pa në yëlanaan pëtsu bayënts-bamkari, ka kakan ngëwaas kul tsi upäts kul, ni pëtsu barika-ro ko wi ba jaka wi, ka ka kameko bamabal, pa pëyecis bañaan-ucaak ka ci ban yecis biki pa Ajug.”

LÚKAS 14:14

din kë naak. Par, bë kaats ko wi bu kii lukënu wi. Maa kii lukaa, unatsee bamabal di pëcäts.”

LÚKAS 22:30

pa ndë riala, ndë raan ni nji, di pësien nji; ndë tsoar tsi itsoari-pësien, pa ndë wat këbuka Israel untaaja kun ni këtëb pëleents.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:19

tsini ko uties, umundu di ka winin kak; maa ind nduu winin, par nji man ci nayësal, a nda ci buts bayësal.

ROOMA 11:15

Par, uci pëbëra pi Bajudeu bëraa pi tsiji manteelar tsi umundu, a we kee ci wun uniirana bukul? Ucits ba pëpën tsi pëcäts pa ubiira.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 11:11

Maa, uwal wi ngënu ngëwaants ngëmënts ngun ni umetaari par wi, a uyafënts ubiira, un pëni wi tsi Nasien-batsi, niaj bukul a ba natsa anats. A bando bukunk ci tsi pëteen bukul lënk mak.

UPIBAN 11:15

A uwaanju upaajantsan ni ulon futs uluur, din a irim iwiak tea di batsi a yuu ja: “Pësien umundu aruka ci pi Ajug nja ni pi Këristuul, a nuu sien pa sandëndën!”

UPIBAN 11:3

Bamiñ batëb ba maatir bukunk, mán wël bukul pëyëlan, bu ka tiema ngësaaku bu kë car pëleents ngi keen ci ngi, te ngënu umiil ni ngëseent ngëtëb ni ngëntaaja paaj” (1.260).

UPIBAN 11:7

Uwal wi ba ba wi pëleents ko wi ba maatir wi bëlieng, din un jar wi kan payee wi pëpëni di baar-tsëko-unoor ka yërand bukul ukam, u kuk bukul, u fiŋ bukul.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 14:11

Uru unoor bukul uwiak koo paya pa sandëndën. Ban jintëla bukunk unjar ni bënaam wul, a ba yank umarëka katim wul, bu ri ka ka pënaakësa, nin pënak, nin bërëm.

UPIBAN 15:2

A n win ko pi bërëk bëjëntsal pi kabiirdi, ban bofëlar bi ni bërua. A ban kuk biki un jar umënts wun ni bënaam wul, ni upinara katim wul, bë nats tsi bërëk bëjëntsal bun pi kabiirdi, a ba tsij incuundu i Nasien-batsi wël yi bukul;

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.

UPIBAN 2:26

Nakuk, na mobi tsi puu ro ngëmiñ te tsi ubaani, mán wëlul pëka pëyëlan tsi ngëcaak—

UPIBAN 20:6

Bë naak, a ba yëman, ban bof biki tsi kanatsee-di-pëcäts kacak! Pëcäts pëtëbantsan yëlaants ko tsi bukul, maa bu ka ci bajakan Nasien-batsi ni biki Këristu, bu kë sien ni nul aa ngëwaanu umiil (1.000).

UPIBAN 22:5

Bërëm katse ka ci; ufietsar ulamp di ka fieraa, nin ufietsar unu. Par Ajug, nul Nasien-batsi, ka fiets un tsi ruets bukul. A bu kë sien, pa sandëndën.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 6:9

Uwal wi Ubuk-unkaanel wun pënan wi unuek uñanatsan, a tsi utsia bëgij, a n win ngëwaas ban do biki fiŋaa, undo përim Nasien-batsi, ni undo ko wi ba maatir wi a ba mob tsi pëleents wul.

UPIBAN 7:3

aliar ngul aja: “Ind tsë cok nin utsia, nin bërëk, nin mko, te nja ka tsënkëna ka tsu umarëka-tampoŋ tsi ijúk baleemp Nasien-batsi nja.”