UPIBAN 20:2 - KARÚK-PËRIM KAWALU Nouveau Testament

² A u mob Uncababaan, wul uko-pëtsats ujon, un ci wi Ujabël ni Useetaani, a u tanar wul ngëwaanu umiil (1.000).

UPIBAN 20:2 ပူးပေါင်းရင်းမြစ်များ

MATEU 19:29

Ñaan na wëtani ito, tsi undo nji, oo ban tsaar biki ni nul, bayënts oo bakaats, asinul oo aninul, upätsul, oo ireeŋul, nii yank un pe wi përëmb, aa ngëyaas useent; në kaand ubiira un dits wi ka ba.

MATEU 8:29

Din a balieaja: “Wee wund kaar wun ni wi, Abuk Nasien-batsi? M bi pëpikaar wund, tsini uwal ruka ka band a?”

MARKU 4:15

balon bañaan, bë ci pi utul tsi kambaŋ bëga, tsi përim wayana tsi; bi ba te bi pul, ucar umënts wun a Useetaani bi ee pënan përim pa wayana punk di ngëwaas bukul.

MARKU 5:7

a na lië mak aja: “Wee m kaaraan wun ni nji, wi Yeesu Abuk Nasien-batsi Kanpe pëci di ruets? Man ñaanu tsi katim Nasien-batsi, cӓts luekanin.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 16:11

tsi uleka kawat-pëleents, par kantsijëna umundu wi awata ba pëleents.

ROOMA 16:20

Nasien-batsi pëfac, ka fam-faman Useetaani tsi utsia iyots ind, tsi ko un car wi. Bëtseend Yeesu Ajug nja ba ciin ni ind.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

2 PER 2:4

Par Nasien-batsi jampësaats ngëwaanju bi nga juban bi, maa, atan ngul ni mkorente agutsar nfeernu, di tsëko tsërëmëntsuel, a na yecis ngul pa unu kawat-pëleents.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 12:13

Uwal wi Uncababaan win wi u wataree utsia, a u pën koo ruak ŋaats nan buk unk napäts niints.

UPIBAN 12:15

Din a uko-pëtsats umënts wun gac mlik pi kabulaŋ, përuakan ŋaats namënts un, pa mlik ka rakul man tsëpand.

UPIBAN 12:17

Din a Uncababaan riabatsar ŋaats namënts un, a u pën atsëp pëkaman banduka bukunk, ban bof biki tsi pëci kajërul, bukul ban ci biki tsi përo ngi Nasien-batsi tsu ngi, a ba mob tsi ko wi Yeesu leents wi.

UPIBAN 12:3

Din, a ulon upibanaani cili di batsi; teenan-e: Uncababaan uwiak, ujankal pi bërua; a tsij ngëyeen paaj ni bëlon, ni këntin untaaja, ni ngëcape-pësien paaj ni ulon tsi iyeen wul.

UPIBAN 12:4

A pëtant wul raki katawar ngëpesaj batsi kaloole tsi iwaants yun, agutsar utsia. A Uncababaan umënts wun nats tsi bërun ŋaats nanduka unk ayecis kabuk, pa ubukul, u yoor napätsul.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:2

U n jar wi n win wi, anaam unk uwëts, a iyots wul naam ni yi ubuus-bëreeŋ, a mtum wul naam ni mi ulioŋ. A Uncababaan jej pëyëlan wul, ni pëtsoari wul pi pësien, ni pëyëlan wul pëwiak, awël un jar.

UPIBAN 13:4

A ba jintëla Uncababaan umënts wun, par wul awël un jar pëyëlan; a ba jintëla un jar umënts wun, bu kë ja: “Yën ci-un pi un jar umënts wi? Yën yëlan un pëkama wul?”

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.

UPIBAN 20:7

Uba ngëwaanu umiil (1.000) ngun, din Useetaani ka pënanee di ukalabus wul,

UPIBAN 9:11

Ngul, un ci wi usien ngul, aci uwaanju baar-tsëko-unoor; katim wul tsi Uyebëreu aci Abadon, a tsi ugërek aci Apolion.