UPIBAN 2:5 - KARÚK-PËRIM KAWALU Nouveau Testament

⁵ Bi u ci bank, lesan tsi m pënë-ni tsi m yëri, yaari ibats, doan ngëcäk ngi m do ngi ka ro. Ucits ank ba, ka bi tsi wi, din ka pënan kapafëni-ulampu, tsi pëlas kul, uci m yaarats ibats.

UPIBAN 2:5 ပူးပေါင်းရင်းမြစ်များ

MATEU 5:14

Ind ci bukun ufac umundu. Përaasa pan ci pi tsi untunda yilatsa pëci pan beka pi.

MATEU 5:15

Ñaan di ka taban ulamp nëjej ko ka kundëna; maa ka tsu di tsëpafi, din u fiets tsëko pa ban ci biki bëlieng di kato.

MARKU 12:9

Unk, a Yeesu yepar aja: “We wi ajug uwoorta mko ubiiñu kii ro wun, ubaandiul? Ka fiŋ baleemp bamënts bukun, në balon baleemp uwoorta mko ubiiñu umënts wun.

LÚKAS 1:17

Nasien-batsi ka runanul, në wëlandul uwejats ni uyëlan Eliyas, nayëlia. Ka wëlul wul, pa në yëlanaan pëtsu bayënts-bamkari, ka kakan ngëwaas kul tsi upäts kul, ni pëtsu barika-ro ko wi ba jaka wi, ka ka kameko bamabal, pa pëyecis bañaan-ucaak ka ci ban yecis biki pa Ajug.”

LÚKAS 20:16

Ka bi, në fiŋ baleemp bamënts bëkun, në rukar balon uwoorta mko ubiiñu.” Bi bañaan te bi ko wan, a ba ja: “Di ka ci!”

GALAASIA 5:4

Ind ba nja biki nda roon ndu tsas pëpiban nda ci bamabal tsi ngëko ulua, a nda patsësa Këristu; nda pënana di bëtseend Nasien-batsi.

FILIIPUS 2:15

Ndë ci ba lacäts biki, ndë ciind bajëntsal. Ndë ci upäts Nasien-batsi ban kaats biki ulaci tsi pëncuaf bañaan uwal wi, ban ci biki baniamëlan ni bacolats ubiira. Nduu fiets tsi wul pi ngëpesaj tsi umundu,

BAYEBËREU 10:32

Nda lesan-e ngënu ngëcäk ngun, uwal wi nda ru ba unk pëyank ufac, din a nda kaman ukam uwiak, un tsijand wi unoor:

2 PER 3:17

Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 1:20

A un doots wunk mea, wi ngëpësaj paaj ngun ni ulon, ngi m win ngink tsi kariir nji, ni ipafëni ngëlamp, paaj yun ni kalon, i leempëna yi uwëru, ko umënts ci wun wi: Ngëpesaj paaj ngun ni ulon, aci ngëwaanju Ngëriisia paaj ngun ni ngëlon; a ipafëni ngëlamp, paaj yun ni kalon, aci iriisia paaj yun ni ngëlon.”

UPIBAN 16:9

A uwamël bërua uwiak, tër bañaan. A bu kë kar katim Nasien-batsi, nul nan kai pëyëlan tsi ngënjuatsia ngëmënts ngun; a bu yaarats ibats bu ka rëmbanul.

UPIBAN 2:16

Bi u ci bank, yaari ibats. Ucits ank ba, ka bi tsi wi tsi ko un car wi, din ka kaman bukul ni ulaac wi kan pëni wi di mtum nji.

UPIBAN 2:19

‘Ma me ngi m ja ngi m doon kuu ro; a me bëŋalu ni uwaku, ni uleempu wi m ciina wi, ni umiira wi kë miira wi. Ma me, ngëtuami ngi m ci ngi tsi përo ape ngëcäk pëcum.

UPIBAN 2:2

‘Ma me ngi m ja ngi m doon kuu ro, man me uleempu ni mtambandaru; a me m yëlaants pëmiira baro-ngëjuatsal. M teenaman ba nja biki bërier bukul bë ci bapostolu te bë cits, a m win ba ci batsup.

UPIBAN 3:19

Nji, biki n ŋal biki bëlieng, man nja ndoon ka leentsar bukul, ka kus bukul. Bi u ci bank, ciin nayëkandar-ko, kë yaar ibats.