UPIBAN 2:3 - KARÚK-PËRIM KAWALU Nouveau Testament

³ M tambandar a m miira, undo katim nji, a m wëtats pëtambandar.

UPIBAN 2:3 ပူးပေါင်းရင်းမြစ်များ

MARKU 15:21

Aka nalon ni ka n jakee Simon, apënë-ni Sireeni, aci asin Aleksandër ni Rufus. Bi na pëni bi di bëreeŋ a nu par, ba forsaarul na lap kruus Yeesu.

LÚKAS 14:27

A na lapatsi kruusul puu fetsin, di ka yëlan pëci nafetsin.

LÚKAS 18:1

A Yeesu tib bafetsul përim, pëpiban bukul ba ka ba roon bu kë ñaan ngënu bëlieng, te ba rits wëtan;

LÚKAS 21:19

Nda liincandari, ndë gaañaar ubiira ind.

LÚKAS 5:5

Simon yank, aja: “Nawiak, wund anoor mak tsi uleemp wi, bërëm bëpëban, te wund mobats ko. Maa undo përimu pan, mán guts itseenk.”

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:21

Maa, bu ka ro ind ngëko ngan bëlieng, undo katim nji, par bu meets na yëliini.

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 16:12

Nda leendarin Trifeena ni Trifoosa, bukul ba leemp biki ulemp uñatsal tsi Ajug. Nda leendarin Persis, na ŋalee, nul na noori mak tsi uleemp Ajug.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

ROOMA 8:25

Maa ucnja kë lip ko wi ngë winats wi, nja ka tambandar tsi pëlip wul.

1 KORINTU 13:7

Bul ka miira ko un ci wi-ba këci, bu fiaar ko un ci wi-ba këci, bu wats ko un ci wi-ba këci, bu yëlan ko un ci wi-ba këci.

1 KORINTU 16:16

Nda baari ibats ind tsi pëcikëndën bukul, ni nan bofi ba këbof tsi uleemp, a nuu cib tsi wul.

2 KORINTU 10:15

Wund ri ka bëndan iyeen wund tsi ko un cits wi kaniibi ki Nasien-batsi tsu wund ki, wund ri ka bëndan iyeen wund tsi uleemp wi balon do wi ba; maa wund awats ne u ci uwak tsi pëwiaka, wund kë pe këpe pëwiaka tsi pëncuaf ind, tsi kaniibi kan tsua ki,

2 KORINTU 11:23

Mán ñakan pi in kaats uwejats. Bu ci baleempar Këristu-a? Nji man pe bukul! Tsi uleemp u ñats wi, man pe bukul! Tsi përica, man pe bukul! Tsi këlumbanj ki n lumbanjaa ki, jaakaats! Tsi pëjuatsan te a ndu n tsas pëcäts, ngëyaas ngëcumal!

2 KORINTU 4:1

Par Nasien-batsi tsi kayëk-ipësul, awël wund uleemp wi, a cätsanats wund ngëwaas.

2 KORINTU 4:16

Wul ka wun, ngëko ngan catsanatsi nja ngë waas; ŋal bëci nja tsi uliaf kë pe këpe pëcoka, maa bëci nja tsi uwejats, kara unu buu kak buwalu.

2 KORINTU 5:9

Wul ka wun, nja ngë ka përo uyëlan pa pëci biki Ajug kë lílandër biki; ŋal nja ka wama ci tsi uliaf wi, oo ŋal nja ka pën tsi uliaf wi.

2 KORINTU 6:5

ni tsi ilumbaj i wund lumbajaa yi, ni tsi përica, ni tsi pëkuala, ni tsi uleemp uñatsal, ni tsi karika-ŋooy, ni tsi karika-riala,

GALAASIA 6:2

Nda tsënkëlëri ni myunts tsi nda ci tsi, unk ndë ro ko wi ulua Këristu ja wi.

GALAASIA 6:9

Nja tsë noor puu ro uwar, par uband uwal, ja ka cët mbuk, uci ngë rafanats uyëlan.

FILIIPUS 2:16

ind ba mob bikink përim ubiira aliincan. Unk, tsi Unu Këristu, ko umënts wun ka ci upícëni nji, undo pëtuk pi n túk pi, ni mcibi mi n cib mi, përits ci ko un kaats wi bëkat.

FILIIPUS 4:3

Eey-e, wi kambof-uleemp ni nji, nacär! Man ñaanu këñaan, tsënkan bakaats bamënts biki, bukul ban kamandar biki Upetsan-uwar tsëloole ni nji, ni Këlementi, ni baleemp ni nji ban duka bukunk bëlieng, bukul biki itim bukul ci yi di ulibëru ubiira.

KOLOS 1:11

A ni pëyëlan pan ci pi-ba këci, ndë watsësaa pëyëlan-ko; din u ci ko u mab wi ni uyëlan përëmbul, pa tsi ko un ci wi-ba këci ndë yëlan pëliincandër ni pëmiira.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 2:9

Batsaar ni wund, nda lesan-e uleemp wund uñatsal, ni unoor wund, bi wund kë leents ind bi Upetsan-uwar Nasien-batsi, a wund ja wund roon wund kë leemp bërëm ni pënak, pa përits ci pëyunts pa nin nalon tsi ind.

1 TESALONIKA 5:12

Batsaar ni wund, wund añaan ind, nda ru kaan karëmban biki ka leemp biki mak tsi pëncuaf ind, bukul biki ka waay ind biki tsi Ajug, a bu kë leentsar ind uci nda lac.

2 TESALONIKA 3:13

A ind batsaar ni wund, ind tsë noor puu ro uwar.

2 TESALONIKA 3:5

Ajug, na mabani ngëwaas ind tsi bëŋal Nasien-batsi, ni tsi mtambandar Këristu.

2 TESALONIKA 3:8

A bariala ñaan, wund reets bul te wund lukats; maa bërëm ni pënak a wund kë leemp uleemp un dits wi, wund kë ciband, pa wund përits sëtsaraan nalon ind.

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

1 TIMOTEU 5:17

Ban tsua biki bajëŋal di Ngëriisia a bu kë leemp uwar uleemp kayër-bërun, bu tsënkan puu wëla urispiitu un kës wi mak, andes bajëŋal ban ci biki tsi unoor kaleents-përim, ni bëjukan.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

BAYEBËREU 13:13

Bi u ci bank, nda ju ngë pën ngë tsëp di nul di utsand ngëcën, nja ka bofa tsi mkawëranaul.

BAYEBËREU 6:10

Par, Nasien-batsi cits namabats; yëlanats pëfin uleemp ind, ni bëŋal bi nda piban bi tsi uleka katimul, bi nda leempar bunk bayëman, a ind ka leempar bikink bukul.

BAYEBËREU 6:12

Wund ŋalats ind përuka ci batsuunk, maa ind pëteenëna biki kan par-na biki uwak ni umiira bu ka yank nga watsana ngi.

BAYEBËREU 6:15

Unk a nul Abraam kë lip a nuu miira, a nee yank u watsana wi.

2 PER 1:6

tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.