UPIBAN 2:26 - KARÚK-PËRIM KAWALU Nouveau Testament

²⁶ Nakuk, na mobi tsi puu ro ngëmiñ te tsi ubaani, mán wëlul pëka pëyëlan tsi ngëcaak—

UPIBAN 2:26 ပူးပေါင်းရင်းမြစ်များ

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 2:7

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re ko tsi bëko ubiira, bul ban ci bi di tsëko-ngëlílal Nasien-batsi.’”

UPIBAN 22:5

Bërëm katse ka ci; ufietsar ulamp di ka fieraa, nin ufietsar unu. Par Ajug, nul Nasien-batsi, ka fiets un tsi ruets bukul. A bu kë sien, pa sandëndën.

1 JOŊ 5:5

Yën kuk un umundu, ucits ba na waki u ci Yeesu ci-un Abuk Nasien-batsi?

KAKÚRAN-KAWAR YEESU KRISTU BI JOŊ LEENŢ BI KUL AJA 6:29

A Yeesu yank bukul aja: “Wi ci wun uleemp Nasien-batsi: ind pëwak tsi ni na yëlii.”

MATEU 24:13

Maa nan tambandari te tsi utuami, në buerana.

UPIBAN 2:11

Nan kai kabats, na tean ko wi Uwejats ci wi tsi pëja iriisia. Nakuk, yaas a pëcäts pëtëbantsan ka roul ko.’”

UPIBAN 3:12

Nakuk, mán tsuul na ci pëcap di kato-kayëman Nasien-batsi nji; katse ka pëndul yaas. Mán pican tsi nul katim Nasien-batsi nji, ni katim përaasa Nasien-batsi nji, un ci wi Jerusalem dëwalu di kan pëni ri di batsi, tsi Nasien-batsi, du welee; mán picanaand tsi nul katim nji kawalu.

UPIBAN 2:17

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re manaa man beka mi. Máwëlandul pëlaak pëfaacal; katim kawalu apicanaa tsi pul, maa ñaan meets kul, aci koon na yanki pul.’”

1 JOŊ 3:23

A utsuaul ci wun wi: n ja pëwak tsi katim Abukul Yeesu Këristu, nja ka ŋalëlar tsi ngë ci tsi, bi na tsu bi di utsua.

JAKOB 2:20

Ko wi m danj wi ibats! Ane m ŋal pëme uwak un kaats wi ngëwar kaats bëkat-a?

ROOMA 8:37

Maa tsi ngëmënts ngan bëlieng, ngë par pëjaa ngë ka kape, tsi na ŋal njai.

ROOMA 2:7

në wël ubiira un dits ka ba, pa biki kan tsasëna biki përëmb, ni përëmbana, ni karika-coka, tsi pëtambandër karo-uwar.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

MATEU 19:28

A Yeesu ja bukul: “Mán leents ind ucär: Ind ban ci biki tsi pëfetsin: Uwal wi ngëko bëlieng kë witsa wi ngëwalu, Abuk ñaan-najin ka tsoar tsi pëtsoariul pi pësien, pi përëmb. Ind buts, ndë tsoar tsi këtsoari-pësien, untaaja ni këtëb, ndë wat këbuka Israel pëleents, kul untaaja kun ni këtëb.

UPIBAN 3:5

Unk, nakuk ka tiema iŋi ifaacal. In di ka n pënan katimul yaas di ulibëru ubiira; mándu katimul tsi bërun Asin nji, ni tsi bërun ngëwaanjuul.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

1 TESALONIKA 3:5

Wul ka wun, bi katse bi yëlan pëmiira, a n yëli Timoteu pa pëme uleka uwak ind. Man lënkar pëjaa Nateen-teenan a bi teen-teenan ind, a mcibi wund ka ruka ci man kaats mi bëkat.

MATEU 10:22

Bañaan bëlieng ka bër ind undo katim nji; maa nan tambandari te tsi utuami, në buer.