UPIBAN 2:23 - KARÚK-PËRIM KAWALU Nouveau Testament

²³ Mán fiŋ upätsul. Din, iriisia bëlieng ka me nji n ci-un ni kan teeni ngëtsaag ni ngëwaas, uwar. A te, mán luk ind kara ñaan ngi na ro ngi.

UPIBAN 2:23 ပူးပေါင်းရင်းမြစ်များ

MATEU 16:27

Par, Abuk ñaan-najin, kee bi ni ngëwaanjuul di përëmb Asin; uja kara ñaan, në lukul ngi na ro ngi ka ro.

LÚKAS 16:15

A Yeesu ja bukul: “Ind, nda ci ban ja bukunk ba roon bu kë tsu iyeen bukul pëci bamabal, tsi bërun bañaan-bajin; maa Nasien-batsi ame ngëwaas ind. Par, ko un dëmbanaa wi tsi bërun bañaan-bajin, añutsan tsi bërun Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 21:17

A Yeesu kaka yeparul uyaas uwaajantsan, aja: “Simon, abuk Joŋ, m ŋalin-a?” A Per juatsan bi na jaul bi uyaas uwaajantsan: “M ŋalin-a?” A na yankul aja: “Ajug, wi m me ngëko bëlieng; m me n ŋalu.” A Yeesu jaul: “Këmandi ngënkanel nji.

KAKÚRAN-KAWAR YEESU KRISTU BI JOŊ LEENŢ BI KUL AJA 4:16

Din a Yeesu jaul: “tsëpan kii rui ayënu, kë witsee tsi.”

NGËRO 1:24

A ba ñaan aja: “Wi Ajug, na mei ngëwaas bañaan bëlieng, pibani ni m dati tsi batëb biki,

ROOMA 14:12

Unk, kara ñaan tsi nja ka leents ngi na ro ngi bërierul, tsi bërun Nasien-batsi.

ROOMA 8:27

A ni kan teeni ngëwaas bañaan ame utsaag Uwejats; wul tsi uŋal Nasien-batsi, ka ñaandar wun ba uwak biki tsi yeesu.

2 KORINTU 5:10

Par nja bëlieng, ngë ka pëband di tsëko Këristu tsi kawat-pëleents, pa nan ci, në yank bëluk ko wi na ro wi, uwal wi na wama wi ci tsi uliaf wi; u ci ank uwar, oo u waraatsa wi.

GALAASIA 6:5

Par kara ñaan ka yuntsl pëyuntsul bërierul.

BAYEBËREU 4:13

Tsi nga leempa ngi bëlieng, kaats ko un beka wi Nasien-batsi; ngëko bëlieng akundësa a nga pibana tsi këkësul, a nul ni ngë ka un pëleents ngi ngë ciina ngi.

1 PER 1:17

A ni ka wat unk kara ñaan pëleents tsi ko wi na ro wi, nul nan ditsi ka kicës bañaan, uci nduu ruul koo jaul Asin, nda yandaari tsi pëlënk Nasien-batsi tsi uwal pëtsooŋ ind tsi utsia tsi.

UPIBAN 2:11

Nan kai kabats, na tean ko wi Uwejats ci wi tsi pëja iriisia. Nakuk, yaas a pëcäts pëtëbantsan ka roul ko.’”

UPIBAN 2:7

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re ko tsi bëko ubiira, bul ban ci bi di tsëko-ngëlílal Nasien-batsi.’”

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.

UPIBAN 20:13

A bërëk kakani bacäts bando biki ci di bul, a pëcäts ni mcäts kakani bacäts bando biki ci di rul. A ba wataa pëleents, ñaan tsi ngi na ro ngi.

UPIBAN 22:12

Nji ka n bi ink tsi ko un car wi! Man tsiji bëluk, pa pëlukëna kara ñaan ko u liing wi këliing ni wi na ro wi.

UPIBAN 6:8

Din a n win umpëlënc u naam wi ubetsëleel; nan dijee wul, katimul ka jaka Pëcäts, a mcats runanul. A pëcäts ni mcats wëla pëyëlan tsi kafa kabaakëndan ki umundu, pa pëfiŋëna bañaan ulaac, ni ubon, ni kayëra-bucats, ni pëfiŋëna bukul ngë n jar umundu.