UPIBAN 15:2 - KARÚK-PËRIM KAWALU Nouveau Testament

² A n win ko pi bërëk bëjëntsal pi kabiirdi, ban bofëlar bi ni bërua. A ban kuk biki un jar umënts wun ni bënaam wul, ni upinara katim wul, bë nats tsi bërëk bëjëntsal bun pi kabiirdi, a ba tsij incuundu i Nasien-batsi wël yi bukul;

UPIBAN 15:2 ပူးပေါင်းရင်းမြစ်များ

MATEU 3:11

Nji, man ci tsi pëmijan ind di mlik, pa pëpibanaan nda yaar ibats. Maa ni kan bii tsi ufets nji, apein pëyëlan-ko. Nul kee mijan ind un di Uwejats-ujënts ni bërua. Nji n tsënkaants pëjaa mán tsijarul iraala.

1 PER 1:7

Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.

1 PER 4:12

Ind ba ŋala biki, ind tsë pikra tsi mteenamana myëkanuel mi kan bi mi tsi ind, mul cits ko ulon un pats wi.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 13:1

Din, a n win un jar pëni di bërëk pëkatee, a tsij këntin untaaja, ni ngëyeen paaj ni bëlon, a ngëcape untaaja ngi pësien ci tsi këntin wul, a katim ki kan kar ki Nasien-batsi ci tsi kara been wul.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 13:17

pa ñaan tsë yëlan nin pëweel ko, nin pëwaap ko, ucits ba nan kai umarëka, un ci wi, katim un jar umënts wun, oo upinara katim wul.

UPIBAN 21:18

Pëlënk aleempëna jaspi; a përaasa leempëna uwëru ujënts cës, pi kabiirdi kajëntsal cës.

UPIBAN 4:6

tsi bërun pëtsoari-pësien, a u naam unk pi kabiirdi a ka jënts cës pi ikasa mlik. A ngëko ngëyësal ngëbaakër ngun, ci tsi pëncuaf pëtsoari-pësien, a nga fayand pul ajëkëlan. Ngul, acum ni këkës tsi bërun ni tsi ufets.

UPIBAN 5:8

Uwal wi u jej wi ulibëru umënts wun, a ngëko ngëyësal ngëbaakër ngun, ni bajëŋal ngëntaaja ngëtëb bukun ni babaakër jintëla tsi bërun Ubuk-unkaanel wun. Kara un ci wi ni kara nan ci a tsij buncuundu, ni iraani i leempëna yi uwëru a i cum curay, un ci wi bëñaan bayëman.