UPIBAN 13:8 - KARÚK-PËRIM KAWALU Nouveau Testament

⁸ Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 13:8 ပူးပေါင်းရင်းမြစ်များ

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

LÚKAS 10:20

Ind tsë lílan undo bi ngëcaay ro bi ko wi nda ja wi ngul. Maa, nda lílani undo bi itim ind picanaa bi di batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:29

Tsi unu ucints, a Joŋ win Yeesu kë bi tsi nul, a na ja: “Ni ci-un unkaanel-uties Nasien-batsi, wi kan pënan wi ujuban umundu.

EFEESU 1:4

Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

FILIIPUS 4:3

Eey-e, wi kambof-uleemp ni nji, nacär! Man ñaanu këñaan, tsënkan bakaats bamënts biki, bukul ban kamandar biki Upetsan-uwar tsëloole ni nji, ni Këlementi, ni baleemp ni nji ban duka bukunk bëlieng, bukul biki itim bukul ci yi di ulibëru ubiira.

TIITU 1:2

aci uwak ni ume, ngan ciina ngi tsi uwats ubiira un dits wi ka ba, wi Nasien-batsi kandi-katsup watsan wi bañaan, te ngëwal netse ro ci.

UPIBAN 12:15

Din a uko-pëtsats umënts wun gac mlik pi kabulaŋ, përuakan ŋaats namënts un, pa mlik ka rakul man tsëpand.

UPIBAN 13:12

Ni pëyëlan un jar ucak wun, pul bëlieng, a uu roona pul ko tsi bërun wul. A uu tsu umundu, ni ban ciina biki wul, bu kë jintëla un jar ucak wun, un do wunk ka mlupi mi kan fiŋ mi a ma yësana.

UPIBAN 17:8

U n jar wi m win wunk, aro ci, maa katse wink aci. Ka payee u pëni di baar-tsëko-unoor, u tsëp pëniam. A ban ciina biki umundu, bukul biki itim bukul picanaatsa yi di ulibëru ubiira, ki umundu juund ki, bu ka pikra uwin bukul un jar umënts wun; par wul aro ci, a katse wink aci, maa kee u ci kak.

UPIBAN 21:27

Nin utsopal di ka niaj rul yaas, nin naro ko uñutsanuel, oo wi kafal. Maa aci koon ban picanaa biki tsi ulibëru ubiira Ubuk-unkaanel.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.

UPIBAN 3:20

Nji n nats ink tsi pëlëman a ndu n koŋkoŋan. Uci ñaan te përim nji a na waants pëlëman, ka n niaj di nul, ka re ufëri ni nul, në re wul ni nji.

UPIBAN 3:5

Unk, nakuk ka tiema iŋi ifaacal. In di ka n pënan katimul yaas di ulibëru ubiira; mándu katimul tsi bërun Asin nji, ni tsi bërun ngëwaanjuul.

UPIBAN 5:12

A nga kat përim a nguu ja: “Ubuk-unkaanel un do wunk jakanaa, atsënkan pëjaa ayank pëyëlan, ni bëka, ni kameko, ni uyëlan, ni rëmbana, ni përëmb, ni ubëndan.”

UPIBAN 5:13

A ko u leempa wi ba këleempa a u ci di batsi, ni tsi utsia, ni bametsu utsia, ni bërëk, ni ngan ci ngi bëlieng tsi ngul, man te nguu ja: “Ubëndan, ni rëmbana, ni përëmb, ni pëtsijëna ko, aci pa nan tsoar unk tsi pëtsoari-pësien, ni pa Ubuk-unkaanel wun, pa sandëndën!”

UPIBAN 6:1

A n win uwal wi Ubuk-unkaanel wun pënan wi ulon tsi ngënuek paaj ngun ni ulon; din a n te ulon tsi ngëko ngëyësal ngëbaakër ngu n ja përim pi kampalambamb: “Bili!”