UPIBAN 13:6 - KARÚK-PËRIM KAWALU Nouveau Testament

⁶ A u waaban mtum wul aci tsi pëkar Nasien-batsi, pëkar katimul ni unkundanul, ni pëkar ban ciina biki batsi.

UPIBAN 13:6 ပူးပေါင်းရင်းမြစ်များ

MATEU 12:34

Ko wi nda ci wi ngëko-pëtsats! Um di nda yil run pëja ngëko ngëwar, ind ba waraatsa biki? Par, un cum wi uwaas, wi mtum kë ja wun.

MATEU 15:19

Par, di uwaas di ngëwejats nga waraatsa ngi kë pën-ni run: Kafiŋ-ñaan, pëjub, katúk-ufuts, kakiej, pëja gi mmatirits gi ni mankarar.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

ROOMA 3:13

Iyoori bukul aci pëbuk pa waantsa pi. Ni indiamënt bukul, bu kë fal bañaan; bunuunk uko-pëtsats aci tsi iruj bukul.

KOLOS 1:19

Par, aci ko u líl wi Nasien-batsi bi na tsu bunk bëciul bëlieng a ba ciina di Abukul,

KOLOS 2:9

Par, Kësien-batsi bëlieng aciina tsi Këristu, tsi bëci uliaf;

BAYEBËREU 9:2

Par, unkundan aro leempaa. Di pëfër pëcak, tsëpafëni-ulamp aro ci rul, ni untabul, ni këpom bëtseend. Pul ka jaka, tsëko-tsëyëman.

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.

UPIBAN 11:12

Din a batëb ba maatir bukunk te përim pëwiak pëni di batsi a pa ja bukul: “Nda payee tsi!” A ba paya pëtsëp batsi tsi kasa, a iñaasar bukul kë teen bukul.

UPIBAN 12:12

Wul ka wun, batsi ni ban ciina biki batsi, nda ciin tsi ulílan! Maa, cay ind ban ciina biki utsia, ni ban ciina biki bërëk! Par Ujabël awelee pëbi di ind; ariabats mak, par ame, ko unduka wi tsi uwal wul aci ko uties.”

UPIBAN 15:5

A uu ba, a n teen a n win tsëko-tsëyëman unkundan bëmaatir waantsaa di batsi;

UPIBAN 18:20

Batsi, lílani tsi undo pëyër pul! Ind bayëman, bapostolu, bayëlia, nda lílani buts! Par kawat-pëleents ind, Nasien-batsi awat kul, afaŋan ind.”

UPIBAN 21:3

A n te përim pëwiak pëni di pëtsoari-pësien, a pa ja: “Wuu wi, unkundan Nasien-batsi ni bañaan-bajin! Nul koo ci ni bukul. Bu ka ci bañaanul, a nul Nasien-batsi bërierul kë ci ni bukul, [në ci Nasien-batsi bukul.]

UPIBAN 4:1

A ngëmënts ngun par, a n win pëlëman waantsa di batsi; a përim pëcak pi ndo punk n te pa ñakanaanin pi uluur, ja: “Payee tsi, mán pibanu ngan ka ngi pëbaandi tsi ufets ngëmënts ngun.”

UPIBAN 4:4

A u ka itsoari-pësien in fay yi pëtsoari-pësien pun, aci ngëntaaja ngëtëb ni këbaakër. A bajëŋal tsoar tsi itsoari-pësien imënts yun, bë ci ngëntaaja ngëtëb ni babaakër, bu tiema iŋi ifaacal, a tsi iyeen bukul a ba tsij ngëcape-pësien ngan leempëna ngi uwëru.

UPIBAN 5:13

A ko u leempa wi ba këleempa a u ci di batsi, ni tsi utsia, ni bametsu utsia, ni bërëk, ni ngan ci ngi bëlieng tsi ngul, man te nguu ja: “Ubëndan, ni rëmbana, ni përëmb, ni pëtsijëna ko, aci pa nan tsoar unk tsi pëtsoari-pësien, ni pa Ubuk-unkaanel wun, pa sandëndën!”

UPIBAN 7:15

Wul ka wun ba ci tsi bërun pëtsoari Nasien-batsi pi pësien, a bu kë leemparul, pënak ni bërëm, di katoul kayëman. Nan tsoar unk tsi pëtsoari-pësien ka kundëna bukul ulimëntsul.

UPIBAN 7:9

A ngëmënts ngun par, din a n win: aci kandënd bañaan kawiak mak; ñaan yëlaants pëpin bukul. Bë pënë-ni ngëcaak bëlieng, ni këbuka bëlieng, ni bañaan bëlieng, ni ngëlíingu bëlieng; bu nats tsi bërun pëtsoari-pësien ni tsi bërun Ubuk-unkaanel wun. Bë tiema iŋi iyampal ifaacal, a ba tsij ikënd tsi iñan bukul.