UPIBAN 13:16 - KARÚK-PËRIM KAWALU Nouveau Testament

¹⁶ A pëyëlan bañaan bëlieng, baties ni bawiak, barëmb ni baranj, bafacal ni baluek, a ba tsua umarëka tsi kañan kariir, oo tsi pëjúk,

UPIBAN 13:16 ပူးပေါင်းရင်းမြစ်များ

NGËRO 26:22

Maa, Nasien-batsi tsënkin a wama ci te pënak pëntsari; nji i kaats ko wi ndë leents wi upäts ni bawiak, ucits ba ko wi bayëlia ja wi ni Moises kee u ci,

1 KORINTU 12:13

Par nja bëlieng ngë mijana tsi Uwejats uloole, pa pëci uliaf uloole rin; uru ci ank Bajudeu uu, oo Bagërek uu, baluek uu, oo bafacal. A nja bëlieng, Uwejats uloole umënts wun din wi ngë wëlaa wun përaan.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

GALAASIA 6:17

Pa pëtuamës, ñaan tsë cokin uwaas; par man tsij ngëlu Yeesu tsi uliaf nji.

EFEESU 6:8

nda mean ne, kara ñaan nan ci, ka yank tsi Ajug uwar wi na ro wi, na ci ank naluek oo nafacal.

KOLOS 3:11

tsul, katse ka nagërek oo Najudeu; katse ka nawela-kambac oo nawelaatsa-kambac; katse ka napayi oo najintela-ngëcaay; katse ka naluek oo nafacal; maa Këristu ci-un, nul nan ci blieng, tsi blieëng.

2 TIMOTEU 3:8

Bi Janes, ni Jambëres natsara bunk Moises, unk buts di bañaan bamënts bukun ci run tsi puu pok ucär; bu wamandats ngëwejats ngëwar; bu pënana, par bu katse mobi tsi uwak.

UPIBAN 11:18

Ngëcaak akulëñ, a uriabu baandi wink; aci uwal pëwat bacäts pëleents, pëluumpan baleempu, un ci wi, bayëlia, ni bayëman, ni ba rëmban biki katimu, baties ni bawiak; aci uwal wi kë ba wi ni bacok utsia.”

UPIBAN 15:2

A n win ko pi bërëk bëjëntsal pi kabiirdi, ban bofëlar bi ni bërua. A ban kuk biki un jar umënts wun ni bënaam wul, ni upinara katim wul, bë nats tsi bërëk bëjëntsal bun pi kabiirdi, a ba tsij incuundu i Nasien-batsi wël yi bukul;

UPIBAN 19:18

pa ndë re ngëyamats basien, ni ngi bawiak basondaari, ni ngi baka-pëyëlan, ni ngëyamats ngëmpëlënc ni ngi ban dija biki ngul, ni ngi bañaan bëlieng, bafacal ni baluek, baties ni bawiak.”

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 19:5

Din a përim pëni di pëtsoari-pësien, a pa ja: “Nda bëndani Nasien-batsi nja ind bëlieng baleempul, ind ba lënkul biki, baties ni bawiak!”

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 6:15

A basien umundu, ni bañaan ban tsua biki bawiak, ni bawiak basondaari, ni barëmb, ni baka-pëyëlan, baluek bëlieng ni bafacal, bu bekar di iyar tsëko ilaak, ni ngëlaak ngëntunda.

UPIBAN 7:3

aliar ngul aja: “Ind tsë cok nin utsia, nin bërëk, nin mko, te nja ka tsënkëna ka tsu umarëka-tampoŋ tsi ijúk baleemp Nasien-batsi nja.”