UPIBAN 13:1 - KARÚK-PËRIM KAWALU Nouveau Testament

¹ Din, a n win un jar pëni di bërëk pëkatee, a tsij këntin untaaja, ni ngëyeen paaj ni bëlon, a ngëcape untaaja ngi pësien ci tsi këntin wul, a katim ki kan kar ki Nasien-batsi ci tsi kara been wul.

UPIBAN 13:1 ပူးပေါင်းရင်းမြစ်များ

UPIBAN 11:7

Uwal wi ba ba wi pëleents ko wi ba maatir wi bëlieng, din un jar wi kan payee wi pëpëni di baar-tsëko-unoor ka yërand bukul ukam, u kuk bukul, u fiŋ bukul.

UPIBAN 12:3

Din, a ulon upibanaani cili di batsi; teenan-e: Uncababaan uwiak, ujankal pi bërua; a tsij ngëyeen paaj ni bëlon, ni këntin untaaja, ni ngëcape-pësien paaj ni ulon tsi iyeen wul.

UPIBAN 13:11

Din, a n win un jar ucints, apëni di utsia pëpayee. Atsij këntin këtëb pi Ubuk-unkaanel, maa a uu ñakan pi Uncababaan.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 13:15

A u wëla pëtsu uyafënts tsi bënaam un jar ucak wun, pa bënaam un jar ucak wun ka yëian pëñakan, ni pëtsu ban jintëlaatsa biki bënaam un jar umënts wun ba fiŋaa, bukul bëlieng.

UPIBAN 15:2

A n win ko pi bërëk bëjëntsal pi kabiirdi, ban bofëlar bi ni bërua. A ban kuk biki un jar umënts wun ni bënaam wul, ni upinara katim wul, bë nats tsi bërëk bëjëntsal bun pi kabiirdi, a ba tsij incuundu i Nasien-batsi wël yi bukul;

UPIBAN 16:13

Din, a n win ngëwejats ngëwaants ngëtsopal, anaam unk ngëbopal, a nguu pëni di mtum Uncababaan wun, ni di mtum un jar wun, ni di mtum nayëlia natsup nun.

UPIBAN 17:16

Këntin untaaja ki m win kunk, ni un jar wun, ka ñaas ŋaats natúk-ufuts namënts un; ka tsuul pëwamandats ko, ni pëtiemaatsa ko; ka re uliaful, ngë tërul di bërua.

UPIBAN 17:3

Din tsi uwejats, a uwaanji tsëpandin te di ulaalats. A n win ŋaats nan tsoari tsi un jar ujankal, un cum wi ni itim i kan kar yi Nasien-batsi; un jar umënts wun a tsij ngëyeen paaj ni bëlon ni këntin untaaja.

UPIBAN 17:5

Katím apicana tsi pëjúkul; ko wi ka pac wi meaatsa; iink di ka ci run: “Babiloonia, përaasa pëwiak, anin bakaats batúk-ufuts ni ngëñutsanuel ngi kandolaa ngi tsi umundu.”

UPIBAN 19:19

A n win un jar wun, ni basien umundu ni impañ bukul yi bakaman. Bë júk pa pëkaman nan dija unk umpëlënc, nul ni impañul yi bakaman.