UPIBAN 12:9 - KARÚK-PËRIM KAWALU Nouveau Testament

⁹ A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 12:9 ပူးပေါင်းရင်းမြစ်များ

MATEU 13:39

A nabër nan saalunk pul, ci Ujabël. A kacët, ci ubaar umundu; a bacët, ci ngëwaanju.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 25:41

Din në ja buts bukun tsi kamay: ‘Nda pënin tsi, ind ban tsua biki unjuatsia; nda tsëpan di bërua ban dits bi ka ba, ban yecisa bi pa Ujabël ni ngëwaanju.

MATEU 4:1

Din a Uwejats-ujënts tsëpand Yeesu ulaalats, pa Ujabël pii teen-teenanul.

MATEU 4:10

A Yeesu ja : “Pënan tsi, wi useetaani, par ko wi picana wun: ‘Jintëlaan Ajug, nul nan cii Nasien-batsiu, kuu bëndanul, nul koorul.’”

MATEU 4:5

A Ujabël tsëpandul te di përaasa pëyëman, a u jutanul di ruets kato-kayëman,

MATEU 4:8

A Ujabël tsëpandul kak, te di ruets untunda uyampal mak, a u pibanul msien bëlieng tsi umundu ni përëmb mul,

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

LÚKAS 13:16

A ŋaatsi, nul nan ci abuk Abraam, a Useetaani tanul ngëwaanu untaaja ni këwas, kaats na roon në pacaa tsi Unu-pënaakësa, tsi pëtana pi na tanaa pink-a?”

LÚKAS 22:3

Din a Useetaani niaj Judas, ni ka n jakee Iskarioti, nul nan ci nalon tsi bapostolu untaaja bukun ni batëb;

LÚKAS 22:31

“Simon, Simon, teenan-e! Useetaani ayep ind, pa u roon u way ind pi mmaaj.

LÚKAS 8:12

Utul u yër wunk tsi kambaŋ bëga, aci ba nja biki ba te përim Nasien-batsi, a uu ba, Ujabël ka bi kee pënan pul tsi ngëwaas bukul, pa ba rits wak tsi pul bu ka buër.

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 14:30

Nji n katse ink ka ñakanaan ind ngëko ngëcumal, par kantsijëna umundu wi ka bi ink, a yëlaants ko tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:11

tsi uleka kawat-pëleents, par kantsijëna umundu wi awata ba pëleents.

KAKÚRAN-KAWAR YEESU KRISTU BI JOŊ LEENŢ BI KUL AJA 8:44

Ind, Ujabël ci wun asin ind, a nda ŋal përo ngi asin ind ŋal ngi. Wul, aci ufiŋ bañaan ki ujuundi. Aja u roon di ka baar tsi ucär, par ucär cits tsi wul. Aja uu tsup, u leents ko un ci wi wíic wul, par wul aci utsup, a u ciind usín bëtsup.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

NGËRO 5:3

Din, a Per ja: “Ananias, we ka wun a m wët Useetaani a u cumu uwaas? M tsupar Uwejats-ujënts, m bek ko tsi uncaam wi m waapar wi bëka.

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

ROOMA 16:20

Nasien-batsi pëfac, ka fam-faman Useetaani tsi utsia iyots ind, tsi ko un car wi. Bëtseend Yeesu Ajug nja ba ciin ni ind.

2 KORINTU 11:14

A ko wan pikranats, par ŋal Useetaani bërier wul awitsësar anaam uwaanju ufac.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 12:7

A nji përits cum ni pëbëndan been nji tsi undo ngëko ngëwar mak ngi Nasien-batsi pibanin ngi, a n tsuaa kayu tsi uyamats nji; ulon uwaanju Useetaani atsua pëwaŋin tsi kambakats, pa nji përits bëndan been nji.

2 KORINTU 2:11

pa n ja tsë ci biki Ujabël kë fal biki, par ngë paaŋats ngëwejats wul.

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

EFEESU 4:14

Unk ngë katse ka ci upäts uluunt biki ngëmaroŋ kë bats-batsan biki, biki ufuts bëjukan bucumal kë tsëpand biki; bu kë niam tsi kafal bañaan-bajin.

2 TESALONIKA 2:3

Ñaan tsë raac ind koon këraac tsi kafal; par kawëtan-uwak ka baandi kun ucak, Kanfetsats-ngëtsua ka pibandari, nul Kambukara-pëniam,

1 TIMOTEU 2:14

a te cits Adam raaca un tsi kafal, maa aci ŋaats raaca un tsi kafal a na ro ko wi ulua Nasien-batsi pok wi.

2 TIMOTEU 3:13

A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

JÚDAS 1:9

Ŋal Mikayel, un ci wi uwiak ngëwaanju, yeentsats pëkar Ujabël, uwal wi nguu totëlar wi irim tsi uleka puum Moises; maa u ja wul: “Ajug na leentsariu.”

UPIBAN 12:12

Wul ka wun, batsi ni ban ciina biki batsi, nda ciin tsi ulílan! Maa, cay ind ban ciina biki utsia, ni ban ciina biki bërëk! Par Ujabël awelee pëbi di ind; ariabats mak, par ame, ko unduka wi tsi uwal wul aci ko uties.”

UPIBAN 12:3

Din, a ulon upibanaani cili di batsi; teenan-e: Uncababaan uwiak, ujankal pi bërua; a tsij ngëyeen paaj ni bëlon, ni këntin untaaja, ni ngëcape-pësien paaj ni ulon tsi iyeen wul.

UPIBAN 12:7

A ukam kamaa di batsi: Mikayel ni ngëwaanju wul, anatsara pëkaman Uncababaan, a Uncababaan kaman ni ngëwaanju wul,

UPIBAN 12:8

maa Uncababaan kaats pëyëlan pan kës pi, din a pëlas katse ci pa ngul di batsi.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 16:14

Aci ngëwejats ngëcaay; ngul ka ro ngëpibanaani, a nguu tsëp di basien umundu upëban, pëjukëlën bukul pa ukam unu uwiak wun, wi Nasien-batsi Kayëlan-bëlieng.

UPIBAN 18:2

A u lië ni përim pëwiak, aja: “Ayër, ayër, Babiloonia, përaasa pëwiak! Pul aruka ci tsëciini ngëcaay, tsëkungëni uwejats utsopal un ciwi-ba këci, tsëkungëni uko-uyits utsopal un ciwi-ba këci a u ñutsan.

UPIBAN 18:23

Ufac ulamp, katse ka fiets tsi wi, yaas. Përim nanim ni pi nanima, katse ka tea tsi wi, yaas. Par bajulau ro bukun ci bañaan bawiak tsi umundu, par ngëkou ngi bëpene afäl ngëcaak bëlieng;

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 2:24

Maa ind di Tiatiira, ind bëlieng ban duka bukunk, ban fetsats biki bëjukan bumënts bun a nda meets ngi bu kë ja ngi, ngëwandal Useetaani, ma n ja ind: In di ka n tsu ind pëlon pëyunts.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.

UPIBAN 20:8

u pën koo raac ngëcaak tsi kafal, tsi ngëjara ngëbaakër ngun bëlieng ngi umundu, Gog ni Magog, pa pëjukëlën ngul pa ukam: ucumar ngul aci pi pëyii bërëk.

UPIBAN 3:9

Teenan-e! Mán wëlu balon bañaan, biki kato-kajúki Useetaani, bukul ban ja biki bërier bukul bë ci Bajudeu te bë cits, par bu tsup. Nji ka n tsu ink bukul ba bi, bu ka lëm ngërostu tsi bërun itsiimu, din bu ka me n ŋalu.

UPIBAN 9:1

A uwaanju uñanatsan futs uluur, din a n win upesaj un pëni wi batsi ee yër tsi utsia; kanigësaani baar-tsëko-unoor awëla wul.

UPIBAN 9:20

Bañaan banduka bukunk, biki ngënjuatsia ngëmënts ngun fiŋats biki, bë yaarats ibats tsi ngi iñan bukul kë ro ngi; bu wëtaants pëjintëla ngëcaay, ni icap i leempëna yi uwëru, i leempëna yi uncaam-utsak, i leempëna yi mtsak-mjankal, i leempëna yi ilaak, i leempëna yi pëmul, te di ka win, di ka te, di ka yandaar.