UPIBAN 11:3 - KARÚK-PËRIM KAWALU Nouveau Testament

³ Bamiñ batëb ba maatir bukunk, mán wël bukul pëyëlan, bu ka tiema ngësaaku bu kë car pëleents ngi keen ci ngi, te ngënu umiil ni ngëseent ngëtëb ni ngëntaaja paaj” (1.260).

UPIBAN 11:3 ပူးပေါင်းရင်းမြစ်များ

MATEU 11:21

“Bëjoats tsi wi, Korasin! Bëjoats tsi wi, Betësaida! Par, ngëko bawitsa nga roa ngi tsi pëncuaf ind, do roa tsi Tiiru, ni tsi Sidon, ngë ro jon ba ki nga yaar ki ibats, tsi katiema ngësaaku, ni kagurar ufab.

MATEU 18:16

Maa uci na cikëndënatsu, tsijariul ñaan naloole oo batëb, ‘pa ko wi ka ñakanaana wi bëlieng, u ba tsi përim bañaan batëb oo bawaants ban maatir biki.’

LÚKAS 10:13

Cay wi Korasin! Cay wi Betësaida! Par, ngëko bawitsa ngandoa ngi tsi pëncuaf ind do roa tsi Tiiru ni tsi Sidon, i ro jon ba ki i yaar ki ibats, i tiema ngësaaku, i tsoar tsi ufab.

LÚKAS 24:48

Nda ci ba maatir biki ngëmënts ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 15:27

Ind buts nduu leents, par nda ci ni nji ki ujuundi.

KAKÚRAN-KAWAR YEESU KRISTU BI JOŊ LEENŢ BI KUL AJA 3:27

A Joŋ yank bukul aja: “Ñaan yëlanats pëyank ko, ucits ba un pëni wi batsi a u wëlaul.

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 13:31

a ban do bukunk ci ni nul di Galileeya pa Jerusalem, winul ngënu ngëcumal; a inkri, tsi bërun bañaan, bukul ci bukun ba maatir biki ngiicul pa pëleents bañaan.

NGËRO 2:32

Yeesu namëntsi, Nasien-batsi anatsaniul di pëcäts, a wund bëlieng aci ba maatir biki umënts wi.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

1 KORINTU 12:28

Di Ngëriisia, Nasien-batsi atsu balon pëci bapostolu ucak; utëbantsan, bayëlia; uwaajantsan, bajukan; a uu ba, baro bawitsa; a uu ba, ban ka biki ngëtseend pa pëyësan, ni batsënk, ni ba tsijëna, ni bañakan mleents ngëtsooŋ.

2 KORINTU 13:1

Uyaas uwaajantsan ci wun wi, wi ndu n bi wi di ind. Ko un ci wi, aka pëbaaraan pëci ucär, uwal wi bamaatir batëb oo bawaants bof wi përim.

EFEESU 4:11

A nul wël un balon ngëtseend pëci bapostolu, bacints bayëlia, bacints baleents Upetsan-uwar, bacints ka ci bayafan bu ka ciind bajukan;

UPIBAN 1:5

ni pëpën-ni tsi Yeesu Këristu, nul nan ci na maatiri a na mob tsi përim, nan cakësi pënatsee tsi bacäts, nawiak ban ci biki basien umundu. Nul na ŋalinjai; a ni pëñaakul a na pënani nja tsi ngëjuban nja

UPIBAN 11:2

Maa bulay bun di utsand kato-kayëman, wëtan unk bul, cats niib bul, par bul awëlaa pa ban cits biki Bajudeu, biki kan poos-poosan biki përaasa pëyëman pun, ba ro këlí ngëntaaja ngëbaakër ni këtëb.

UPIBAN 11:6

Bukul, bë ka pëyëlan pa përic batsi, usubal përits subi, tsi ngënu ngi ba ci ngi tsi pëcar leents ko wi keen ci wi. A ba kaand pëyëlan pa pëwíts mlik pëñaak, ni pëja ba ŋal, bu ka wëtani tsi utsia unjuatsia un ciwi-ba këci.

UPIBAN 12:6

A ŋaats túk atsëp ulaalats, di Nasien-batsi ro ri yecisul tsëko, nuu rialëndana rul te ngënu umiil ni ngëseent ngëtëb ni ngëntaaja paaj (1.260).

UPIBAN 13:5

A un jar umënts wuwëla mtum pa puu píc, ni puu kar Nasien-batsi. A u wëlanda pëyëlan puu ro unk, te këlí ngëntaaja ngëbaakër ni këtëb.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).