UPIBAN 11:18 - KARÚK-PËRIM KAWALU Nouveau Testament

¹⁸ Ngëcaak akulëñ, a uriabu baandi wink; aci uwal pëwat bacäts pëleents, pëluumpan baleempu, un ci wi, bayëlia, ni bayëman, ni ba rëmban biki katimu, baties ni bawiak; aci uwal wi kë ba wi ni bacok utsia.”

UPIBAN 11:18 ပူးပေါင်းရင်းမြစ်များ

UPIBAN 20:12

A n win bacäts, bawiak ni baties; bu nats tsi bërun pëtsoari-pësien, a ngëlibëru waantsaa. A ulibëru ucints waantsaa, ci wun wi ubiira. A bacäts wataa pëleents tsi ngi ba ro ngi, pëteenëna tsi ngan picana ngi tsi ngëlibëru ngëmënts ngun.

UPIBAN 19:5

Din a përim pëni di pëtsoari-pësien, a pa ja: “Nda bëndani Nasien-batsi nja ind bëlieng baleempul, ind ba lënkul biki, baties ni bawiak!”

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.

UPIBAN 22:12

Nji ka n bi ink tsi ko un car wi! Man tsiji bëluk, pa pëlukëna kara ñaan ko u liing wi këliing ni wi na ro wi.

UPIBAN 15:7

A ulon tsi ngëko ngëyësal ngëbaakër ngun wël ngëwaanju paaj ngun ni ulon iraani paaj ni kalon i leempëna yi uwëru, a i cum uriab Nasien-batsi uwiak, nul nayësal pa sandëndën.

UPIBAN 15:1

A n win upibanaani ucints di batsi uwiak, a u par pëjaa: Aci ngëwaanju paaj ni ulon ngan tsij ngi ngënjuatsia paaj ngun ni ulon, ngëtuami, par uriab Nasien-batsi abaana tsi ngul.

UPIBAN 14:10

nul buts nii raan pëwat uriab Nasien-batsi, pul pan gëbëlanaatsa pi a pa tsua di karaani kan tsij ki uriab Nasien-batsi; në tsua mak tsi unoor di bërua ni ucof, tsi bërun ngëwaanju ngëyëman, ni tsi bërun Ubuk-unkaanel.

BAYEBËREU 9:27

A bi ñaan-najin tsuura bi nul pëcäts uyaas uloole rin, a uu ba u ci kawata-pëleents,

LÚKAS 1:50

Kayëk-ipësul, aci pa ba lënkul biki, tsi bak kul, tsi batiemi kul, pëtsëp.

MATEU 5:12

Nda lílani, ndë kita, par bëluk ind a ci bëwiak di batsi; par unk di ba reat dun bayëlia ba yëri ind biki bërun.

UPIBAN 20:15

A na winaatsee ba na picana di ulibëru ubiira, agutsaa di pëwal bërua.

UPIBAN 18:6

Nda kakani pul bi pa ro bi ja! Nda lukan pul ngi pa ro ngi te ngëyaas ngëtëb! Di karaani ki pa gëbëlënaan kunk mdaan, nda gëbulani mul ngëyaas ngëtëb nda wul pul!

UPIBAN 11:2

Maa bulay bun di utsand kato-kayëman, wëtan unk bul, cats niib bul, par bul awëlaa pa ban cits biki Bajudeu, biki kan poos-poosan biki përaasa pëyëman pun, ba ro këlí ngëntaaja ngëbaakër ni këtëb.

UPIBAN 19:15

A ulaac un de wi kë pëni di mtum nan dija unk umpëlënc ufaacal, pa pëkobuna ngëcaak. Nul koo yafanaan ngul pëndog pëfeeru; ka poos-poosan kapuañi pëwat uriab, wi ukulëñ Nasien-batsi, Kayëlan-bëlieng.

UPIBAN 10:7

Maa tsi ngënu ngi uwaanju upaajantsan ni ulon kë tea wi, uyecis wul wun pëfuts uluur, din wi Nasien-batsi undoots wunk mea ka rolaa, bi na ro bi leents baleempul Upetsan-uwar, bukul bayëlia.

UPIBAN 13:16

A pëyëlan bañaan bëlieng, baties ni bawiak, barëmb ni baranj, bafacal ni baluek, a ba tsua umarëka tsi kañan kariir, oo tsi pëjúk,

UPIBAN 19:18

pa ndë re ngëyamats basien, ni ngi bawiak basondaari, ni ngi baka-pëyëlan, ni ngëyamats ngëmpëlënc ni ngi ban dija biki ngul, ni ngi bañaan bëlieng, bafacal ni baluek, baties ni bawiak.”