UPIBAN 10:1 - KARÚK-PËRIM KAWALU Nouveau Testament

¹ Din a n win ulon uwaanju, un ka wi pëyëlan; apëni di batsi pëwelee, a kasa kund wul, a pëfaal-batsi ci di ruets been wul. Urostu wul aci pi unu, a itsiim wul ci pi imëts bërua.

UPIBAN 10:1 ပူးပေါင်းရင်းမြစ်များ

MATEU 17:2

A bënaamul witsësar tsi bërun bukul. A urostuul kë yëk pi unu, a iŋiul witsa ifaacal pi ufac.

LÚKAS 21:27

Din, Abuk ñaan-najin ka wina nuu bi di kasa, ni pëyëlan, ni përëmb pëwiak.

NGËRO 26:13

Ina Agëripa, nasien! Bi n ci bi di bëga pëtsëp, tsi uson-unu a n win ufac fietsi di batsi ape unu, a u fiets afayin ni ban ci biki ni nji.

UPIBAN 1:7

Teenan-e! Ka bi unk tsi isa, bañaan bëlieng ka winul, ŋal ba luŋanul biki uliaf; këbuka bañaan bëlieng tsi umundu ka kaanul. Eey-e. Ameen!

UPIBAN 18:1

Uba ngëmënts ngun, a n win uwaanju ucints pëni di batsi pëwelee, aka pëyëlan pëwiak a përëmb wul fiets utsia.

UPIBAN 18:21

Din, a uwaanju un ka wi pëyëlan jej pëlaak pan naam pi pëlaak pëwiak pëfañëni mbuk, a u guts pul di bërëk a u ja: “Unk di Babiloonia kë gutsaa run ni pëyëlan, pul përaasa pëwiak, a katse ka wina yaas.

UPIBAN 20:1

A n win uwaanju pëni di batsi a uu welee; a tsij kanigësaani baar-tsëko-unoor, ni mkorente mwiak tsi kañan wul.

UPIBAN 4:3

Kantsoar anaam unk bënaam pëlaak pan ka pi bëkat, pi kanjaka punk jaspi, ni bënaam pëlaak pi kanjaka punk saardiu. A pëfaal karëm-batsi fay pëtsoari-pësien, anaam unk bënaam pëlaak pan ka pi bëkat, pi kanjaka punk esmeralda.

UPIBAN 5:2

A n win uwaanju, un ka wi pëyëlan; akat përim a uu ja: “Yën tsënkan un pëjaa awaants ulibëru a na pënan ngënuek?”

UPIBAN 8:13

Din a n teen, a n te uwabankank kë yits di pëcuaf batsi, a u kat përim koo ja: “Cay! Cay! Cay ban ciina biki utsia, undo uleentsar ngëluur ngan duka ngunk, ngi ngëwaanju ngëwaants ngun wama ngi ka pëfuts!”