UPIBAN 1:9 - KARÚK-PËRIM KAWALU Nouveau Testament

⁹ Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 1:9 ပူးပေါင်းရင်းမြစ်များ

MATEU 20:23

A Yeesu ja bukul: “Ucar, ndii raan tsi karaani nji; maa pëtsoar tsi kajara nji kariir oo kamay, cits nji ka n tsu un ko wan. Maa ko wan, aci pa biki Asin nji yecisër biki.”

MARKU 10:39

A ba jaul: “Wund ayëlan.” A Yeesu kaka ja bukul: “Ind kee raana karaani ki n daana ki, ndii mijana pi ndu n mijana pi,

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

NGËRO 1:15

Tsi ngënu ngëmënts ngun, Per natsa tsi pëncuaf ban tsaar biki ni nul, ban juk biki aci ko pi bañaan useent ni ngëntaaja ngëtëb, a na ja bukul:

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

ROOMA 8:17

A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

ROOMA 8:25

Maa ucnja kë lip ko wi ngë winats wi, nja ka tambandar tsi pëlip wul.

2 KORINTU 1:7

A uwats wund tsi uleka ind aci u liinc wi. Wund ame, bi nda bofëna bi tsi ngënoor wund, unk buts bi ndu ci bun tsi kajuabëtsana-ngëwaas.

FILIIPUS 1:7

Nji pëwejats unk tsi uleka ind, ind bëlieng, aci ko u mab wi, par man tsu ind tsi uwaas nji; par tsi mdica mi n dica mi, ni tsi pënatsar Upetsan-uwar ni pëpiban u baaraan pëci, ind bëlieng nda bof ni nji tsi bëtseend Nasien-batsi.

FILIIPUS 4:14

Maa nda ro uwar, bi nda tsënkin bink tsi unoor nji.

2 TESALONIKA 3:5

Ajug, na mabani ngëwaas ind tsi bëŋal Nasien-batsi, ni tsi mtambandar Këristu.

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

UPIBAN 1:1

Upiban Yeesu Këristu, wi Nasien-batsi wëlul wi pa pëpibanaan baleempul ngan ka ngi pëbaandi, tsi ko un car wi. Atsu wul a u mea, bi na yëli bi uwaanjuul tsi naleempul, Joŋ;

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:4

Joŋ, pa iriisia paaj yun ni ngëlon, di Aasia: Bëtseend ba wëlaan ind ni pëfac, pëpën-ni tsi nan ci, a na ro ci, a nuu bi; ni pëpën-ni tsi Ngëwejats paaj ngun ni ulon ngan ci ngunk tsi bërun pëtsoariul pi pësien;

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 11:7

Uwal wi ba ba wi pëleents ko wi ba maatir wi bëlieng, din un jar wi kan payee wi pëpëni di baar-tsëko-unoor ka yërand bukul ukam, u kuk bukul, u fiŋ bukul.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 12:17

Din a Uncababaan riabatsar ŋaats namënts un, a u pën atsëp pëkaman banduka bukunk, ban bof biki tsi pëci kajërul, bukul ban ci biki tsi përo ngi Nasien-batsi tsu ngi, a ba mob tsi ko wi Yeesu leents wi.

UPIBAN 13:10

Nan kai pëmoba pëluek, ka moba pëluek. Nan kai pëfiŋa ni ulaac, ka fiŋa ni ulaac. Pëliincandër bayëman ni pëmob tsi uwak, aciina tsi.

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.

UPIBAN 6:9

Uwal wi Ubuk-unkaanel wun pënan wi unuek uñanatsan, a tsi utsia bëgij, a n win ngëwaas ban do biki fiŋaa, undo përim Nasien-batsi, ni undo ko wi ba maatir wi a ba mob tsi pëleents wul.

UPIBAN 7:14

A n yankul a n ja: “Nawiak nji! Wi m me.” A na jain: “Bamënts biki aci ban pëni biki di unoor uwiak. Bë nijëna iŋi bukul yi bëtiema ba faacanaan yul tsi pëñaak Ubuk-unkaanel wun.