UPIBAN 1:18 - KARÚK-PËRIM KAWALU Nouveau Testament

¹⁸ ni Nayësal; mando n cats, maa nji n ci ink nayësal pa sandëndën. Nji n tsijëna un inigësaani pëcäts ni yi mcats.

UPIBAN 1:18 ပူးပေါင်းရင်းမြစ်များ

MATEU 11:23

A wi, Kafarnaum, kë riangar te di batsi-a? Nin-a! Kë wela te di mcäts! Par, ngëko bawitsa ngan roa ngi tsi pëncuafu, do roa di Sodooma, Sodooma a bi ka ci te ntsari.

MATEU 16:19

Mán wëlu inigësaani pësien batsi: Ko wi m tan wi ba këtan tsi utsia, wii tana buts di batsi; a ko wi m pac wi ba këpac tsi utsia, wii pacaa di batsi buts.”

LÚKAS 24:5

Bi ba lënk bi mak, a ba júŋ këkës tsi utsia, bayënts ja bukul: “We ka wun ndu tsas nayësal, tsi bacäts?

KAKÚRAN-KAWAR YEESU KRISTU BI JOŊ LEENŢ BI KUL AJA 11:25

A Yeesu jaul: “Nji n ci-un kanatsee-di-pëcäts, a nji n ci-un ubiira. Ñaan na waki tsi nji, ŋal ank na cäts, në ka aatsum ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 14:19

tsini ko uties, umundu di ka winin kak; maa ind nduu winin, par nji man ci nayësal, a nda ci buts bayësal.

ROOMA 6:9

par ngë me, bi Këristu natsee bunk di bacäts, nul katse ka cäts; pëcäts katse ka pëyëlan tsi nul.

2 KORINTU 13:4

Par nul arieŋa di kruus tsi undo bërafalul; maa na kak aci nayësal tsi pëyëlan Nasien-batsi. Wund buts wund aci barafal tsi nul, maa wund ka kaana ubiira tsi nul tsi pëyëlan Nasien-batsi, pa përo uleemp pa ind.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

KOLOS 3:3

Par nda cäts, a ngëbiira ind beka ni Këristu tsi Nasien-batsi.

BAYEBËREU 1:3

Abuk ci-un ufietsar përëmb Nasien-batsi, ni bënaam Nasien-batsi bi ba ci bi ja. A nul tsijëna un ngëko bëlieng tsi përim uyëlanul. Uwal wi na ba wi mjëntsandar tsi uleka ngëjuban nja a na tsoar tsi kariir Kanpe-përëmbana, di ruets.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

BAYEBËREU 7:16

a tsuunaatsa pëci najakan tsi ulua ñaan-najin, maa tsi pëyëlan ubiira un kaats wi ubaani.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

UPIBAN 10:6

a u baaja nan ci nayësal pa sandëndën, nul na leempi batsi ni ngan ci ngi di bul, utsia ni ngan ci ngi tsi wul, bërëk ni ngan ci ngi di bul; abaaja, aja: “Ko katse ka jon!”

UPIBAN 15:7

A ulon tsi ngëko ngëyësal ngëbaakër ngun wël ngëwaanju paaj ngun ni ulon iraani paaj ni kalon i leempëna yi uwëru, a i cum uriab Nasien-batsi uwiak, nul nayësal pa sandëndën.

UPIBAN 2:8

Picari uwaanju Ngëriisia ngan ci ngunk di Sëmirna, ja: “Kanci Nacak ni Natuami, nul nandoi cats, maa a na kak aci nayësal, pi ci pun pi na ja pi:

UPIBAN 20:13

A bërëk kakani bacäts bando biki ci di bul, a pëcäts ni mcäts kakani bacäts bando biki ci di rul. A ba wataa pëleents, ñaan tsi ngi na ro ngi.

UPIBAN 20:14

A pëcäts ni mcäts gutsaa di pëwal bërua. Pëwal bërua pëmënts pi, ci pun pëcäts pëtëbantsan.

UPIBAN 3:7

Picari uwaanju Ngëriisia ngan ci ngunk di Filadeelëfia, ja: “Kanci-nayëman, Kanci-nacӓr, nul kantsijëna kanigësaani Dawid, nawaants te ñaan di ka ric, naric te ñaan di ka waants, pi ci pun pi na ja pi:

UPIBAN 4:9

Aja ngëko ngëyësal ngëbaakër ngun kë rëmban kantsoar tsi pëtsoari-pësien, a ngu wëlul rëmbana, a ngu baranul, nul nayësal pa sandëndën,

UPIBAN 5:14

A ngëko ngëyësal ngëbaakër ngun kë ja: “Ameen!” A bajëŋal bukun yër, a ba jintëla kanci-nayësal.

UPIBAN 6:8

Din a n win umpëlënc u naam wi ubetsëleel; nan dijee wul, katimul ka jaka Pëcäts, a mcats runanul. A pëcäts ni mcats wëla pëyëlan tsi kafa kabaakëndan ki umundu, pa pëfiŋëna bañaan ulaac, ni ubon, ni kayëra-bucats, ni pëfiŋëna bukul ngë n jar umundu.

UPIBAN 9:1

A uwaanju uñanatsan futs uluur, din a n win upesaj un pëni wi batsi ee yër tsi utsia; kanigësaani baar-tsëko-unoor awëla wul.