TIITU 3:1 - KARÚK-PËRIM KAWALU Nouveau Testament

¹ Lesani bukul ba ka pëmob tsi ngi bañaan-utsua tsu ngi ni bañaan-pësien, puu ro ko un jaka wi, pëci ban yecis biki pa puu ro ko u wara wi-ba këwara.

TIITU 3:1 ပူးပေါင်းရင်းမြစ်များ

MATEU 22:21

A ba yankul aja: “Bi Seesar.” Din, a na ja bukul: “Bi u ci bank, nda wëlan Seesar ngi Seesar, ndë wël Nasien-batsi ngi Nasien-batsi.”

1 KORINTU 15:58

Bi u ci bank batsaar ni nji ba ŋala biki, nda liincandari ndë ci ban dits biki ka siintsar, ndë cum ni uŋal tsi uleemp Ajug, ndë me ne, uleemp ind tsi Ajug, cits un kaats wi bëkat.

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

1 TIMOTEU 2:2

pa basien, ni ban tsua biki bëlieng pëci bañaan bawiak. Unk, nja ka fac nja ka tsëk, tsi pëlënk Nasien-batsi pan ci ba këci, ni tsi urispiitu.

1 TIMOTEU 4:6

Uci m jukan ngul batsaar ni wi tsi Këristu, kë ci naleempar Këristu Yeesu, naleemp nawar na mobi tsi puu rialaan irim uwak, ni yi bëjukan buwar bi m fets bi uwar.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

2 TIMOTEU 1:6

Wul ka wun n du lesanu, wamban utseend Nasien-batsi ban ci bunk tsi wi, uwal wi n pafu wunk iñan nji.

2 TIMOTEU 2:14

Moban tsi puu lesan bukul ngëmënts ngun. Caran leents bukul tsi bërun Nasien-batsi; jaan bukul ba wët mantotëlër tsi irim; mul kaats bëkat, aci mi ka niaman mi biki kan cikëndën biki.

2 TIMOTEU 2:21

Bi u ci bank, nan pënani bërierul mtsopi mmënts mun tsi ubiiraul, në ci kaŋí karooni ko un dëmbana wi, kan patsanaa, kan ka ki bëkat pa Nawiak, kan yecisa ki pa puu ro ko u wara wi-ba këwara.

TIITU 1:16

bë ja ba roon bu kë ja bë me Nasien-batsi ank; maa tsi ngi bu kë ro ngi, bë niiraantsul. Bë ci bañutsanuel, barika-ro ko un jaka wi, bayëlaants përo nin ko u wara wi.

TIITU 2:14

Awël ubiiraul bërierul panjapa pëweelësi nja tsi kamabats kan ci ki ba këci, ni pëjëntsan bañaan-ucaak pa nul baŋ, bu ka ci ban pats biki, bu kë yëkandar karo ngëwar.

TIITU 3:14

Ba yiic nja, bu ka pëjuk buts puu pe këpe përo ngëwar, pa pëfierësaraan ngan fiera ngi tsi uyëk wul. Unk, ba rits ci bakaats-bëkat.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

2 PER 1:12

Undo ko umënts wi ka wun n yecis, pa puu lesës ind ngëko ngëmënts ngi, ŋal bi nda me bink ngul, a nda mob aliincan tsi ucär wi ngë ciina wink.

JÚDAS 1:5

Ŋal bi nda ba bi pëme ko wan uwar, maa, ma ŋal pëlesan ind bi Ajug buerani bi bañaanul di pëboos Ejipët a nuu ba, na ba ni bañaan ba uwakats biki.