TIITU 2:7 - KARÚK-PËRIM KAWALU Nouveau Testament

⁷ Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

TIITU 2:7 ပူးပေါင်းရင်းမြစ်များ

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 8:8

Cits utsua wi n tsu ind wun, maa pëpiban ind uŋal balon; bëŋal ind ka teenëmana ne aci bëcär.

EFEESU 6:24

Bëtseend ba ciin tsi ban ŋal biki bëlieng Yeesu Këristu Ajug nja tsi bëŋal ban dits bi ka niaman.

FILIIPUS 1:10

ndë yëlan pëyëkëran ngan pe ngi pëyuk, ndë ci bajëntsal, nda rits ka ulaci, te tsi Unu Këristu.

2 TESALONIKA 3:9

A te cits pëjaa wund kaats këka përolaa unk, maa aci wund bërier wund pëci uteenëni wi nduu fets wi.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

TIITU 3:8

Përim pëmënts pi aci pan waka pi; a ŋal m doon kë mob mak tsi puu leents ngëmënts ngun, pa ba uwak biki tsi Nasien-batsi ka baar ibats tsi puu ro ngëwar. Ngëmënts ngun aci nga wara ngi mak, a nga ka bëkat pa bañaan.

1 PER 5:3

Biki nda tanan biki, ind tsë roona uyëlan; maa nda ciin biki ngënkaanel kë teenëna biki.