TIITU 2:2 - KARÚK-PËRIM KAWALU Nouveau Testament

² Jaan bayënts batsafal ba ci baliingëlën-ko, bañaan-urispiitu, baka-ibats, baci-uwar tsi uwak ni tsi bëŋal ni tsi mantambandër.

TIITU 2:2 ပူးပေါင်းရင်းမြစ်များ

MARKU 5:15

Bi ba baandi bi tsi Yeesu, a ba win niints ni ngëcaay roi niaj kak aci uwar, na tiema iŋi a na tsoar. Din a ba lënk.

LÚKAS 8:35

Din, bañaan pëni, pa pii win ko un par wi. Ba baandi tsi Yeesu, ba tsënki ñaan namënts un tsoar tsi bërun Yeesu; ngëcaay apën tsi nul, na tiema iŋi, a been tsëkënul. Bukul, ba lënk.

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

ROOMA 12:3

Par, tsi bëtseend bi wëla bi, má nja ka ra ñaan nan ci tsi ind, nul tsë wejatsar beenul bërierul na par-paran; maa na wejatsi na liingëlan tsi kaniibi uwak wi Nasien-batsi wël wi kara ñaan.

1 KORINTU 15:34

Nda kakari ngëwejats butsëkal, ind tsë juban. Par balon netse ka ume Nasien-batsi; ma nja ko wan pa pëkawaran ind.

1 KORINTU 9:25

Nakaman nan ci ba këci, aja na roon në yëlan uliaful tsi ko un ci wi-ba këci, pa pëyank ungaañu wi kan coka wi; maa n ja, nja ka kamandar un dits wi ka coka.

2 KORINTU 5:13

A uci wund katse ka uwejats, aci-undo Nasien-batsi; maa uci wund ka uwejats aci pa ind.

GALAASIA 5:23

ni kajuab-uwaas, ni kayëlan-uliaf; kaats ulua un pok wi ngëmënts ngi.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

1 TESALONIKA 5:6

Bi u ci bank, n ja tsë ŋooy pi ban duka bukunk; maa nda jun ngë mob tsi kawaay, nja kë liingëlan ko.

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

1 TIMOTEU 1:10

bamob tsi ngëko katúk-ufuts, bayënts bapiintsanda, bajulats bañaan, batsup, bawëtan përim pi ba baaja pi, ni ko un ci wi-ba këci u yukats wi tsi bëjukan bëwar.

1 TIMOTEU 1:14

A te bëtseend Ajug nja awatsësar tsi nji apar-paran, ni uwak, ni bëŋal ban ci bi tsi Këristu Yeesu.

1 TIMOTEU 1:2

pa Timoteu, napäts nji nacär tsi uwak: Bëtseend ba wëlaanu, ni kayëk-ipës, ni pëfac, pëpën-ni tsi Nasien-batsi, Asin nja ni tsi Këristu Yeesu, Ajug nja.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

1 TIMOTEU 3:11

A bakaats buts, bu ka pëci bañaan-urispiitu, barika-ja ko u waraatsa wi tsi uleka ñaan; bu ka pëci baliingëlën-ko, bamab tsi ngëko bëlieng.

1 TIMOTEU 3:2

Bi u ci bank, iink di nawaay-bañaan ka run pëci: ka ci nan kaatsi ulaci, niints na nimëni ŋaats naloole, naliingëlan-ko, natsëkal, ñaan-urispiitu, nawelan-batsooŋ, në ci na yëli bëjukan.

1 TIMOTEU 3:4

Aka pëtsij katoul uwar, në tsu upätsul ba mob tsi përimul ni urispiitu bëlieng.

1 TIMOTEU 3:8

Batsënk buts, bu ka pëci bañaan-urispiitu, bamob tsi përim pëloole, barika-tsu ibats bukul tsi karaan-pëwat mak, barika-tsu ibats bukul tsi pëka bëka ba mabats bi.

1 TIMOTEU 5:1

Cats leentsar natsafal ni irim itambal, maa tseendanul ibats, pi aci asinu. Moban ipaas pi nda tsaar,

TIITU 1:13

Te un jaka wank, aci ucär. Wul ka wun, leentsari bukul ni përim pëtamb, pa u tsu bukul pëka uwak un ci wi ucär.

TIITU 1:8

Maa aka pëci nawelan-batsooŋ, naŋal-uwar, natsëkal, namabal, nalënk-nasien-batsi, namob-beenul,

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

FILEMON 1:9

nji man ñaanu këñaan, tsi undo bëŋal. Nji Pol, bi n ci bink natsafal, a n ciind inkri narica, undo Këristu Yeesu,

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 4:7

Inkri utuami ngëko bëlieng awokani. Nda pibani kameko, ndë lesar tsi bëñaan.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

2 PER 1:6

tsi ruets ume, ndë watsës kayëlan ngëliaf ind; tsi ruets kayëlan ngëliaf ind, ndë watsës pëliincandër; tsi ruets pëliincandër, ndë watsës pëlënk Nasien-batsi;