TIITU 2:12 - KARÚK-PËRIM KAWALU Nouveau Testament

¹² A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

TIITU 2:12 ပူးပေါင်းရင်းမြစ်များ

MATEU 12:32

A na njai ba kë ja përim pa mabats pi tsi uleka Abuk ñaan-najin, ka jampësaa; maa na njai ba kë ja përim pa mabats pi tsi uleka Uwejats-ujënts, di ka jampësaa, nin tsi umundu wi, nin tsi umundu wi kan bi wi.

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

LÚKAS 1:6

Sakaria ni Elisabet, bë ci bamabal tsi bërun Nasien-batsi; bë meandaatsa uwutsëtsuel tsi ngëtsua Ajug bëlieng, ni tsi irim i na ja yi bëlieng.

LÚKAS 1:75

nja kë ci tsi ko u yëman wi, ni tsi ko u mab wi, tsi bërunul, tsi ngënu bëlieng ngi ubiira inja.

KAKÚRAN-KAWAR YEESU KRISTU BI JOŊ LEENŢ BI KUL AJA 14:30

Nji n katse ink ka ñakanaan ind ngëko ngëcumal, par kantsijëna umundu wi ka bi ink, a yëlaants ko tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 6:25

Bi ba winul bi di kalutar bërëk kacints kun, a ba yeparul ajaul: “Rabi! Uwal uwom wi m baandi wun tsi?”

NGËRO 24:16

Wul ka wun, a n do buts uyëlan pa pëwëtaants pëtsij uwejats utsëkal tsi bërun Nasien-batsi, ni tsi bërun bañaan-bajin.

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 6:12

Wul ka wun, ujuban tsë ka pëyëlan tsi ngëliaf ind ngi kan cats ngi, pa ind pëmob tsi ngëko ngi u rí ngi.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 8:13

Par uci nda ci tsi përo uŋal uliaf, ndë cats; maa uci tsi Uwejats a nda tsu ngi uliaf kë ro ngi a nga cäts, ndë ka ubiira.

2 KORINTU 1:12

Par ko wi wund kë pícëna wi, ci wun wi: “Ko wi uwejats wund leents wi, aci pëci tsi umundu ni pëpe pëci ni ind tsi bëjëntsal, ni pëmob tsi ucär un pënë-ni wi di Nasien-batsi; cits tsi kameko ñaan-najin, maa tsi bëtseend Nasien-batsi.”

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 1:4

nul na wëli beenul undo ngëjubani njatsi uŋal Nasien-batsi Asini njapa pëpënani nja tsi uwal un ntsari wi, u waraatsa wink.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 1:4

Umundu aruka ka juund, a na rat nja ba tsi nul, pa n ja pëci ba yëman biki, ni pëci ban dits biki ka jaara ngëwutsëtsuel tsi nul; a tsi bëŋal,

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

KOLOS 1:22

Maa inkri, atsu ind a nda teelar tsi uliaf Këristu wi uyamats; aparanaan tsi pëcäts, pa pëtsu ind ndë ci bayëman tsi bërunul, bakaats ujink, bakaats ulaci.

1 TESALONIKA 4:7

Par, Nasien-batsi ruurëts nja pëci tsi mtsopi, maa pëci tsi bëjëntsal.

1 TESALONIKA 4:9

A tsi uleka pëŋalëlar tsi nda tsaar tsi, nda fierats pëpicandara ko, par ind bërier ind Nasien-batsi ajukan ind puu ŋalëlar.

1 TIMOTEU 4:12

Ñaan tsë tienkëtsanu, tsi undo m wam upaas, maa ciin ñaan ni m mei, ba uwak biki koo teenënu tsi irim, ni tsi karo-ko, ni tsi bëŋal, ni tsi uwak, ni tsi bëjëntsal.

1 TIMOTEU 6:17

Tsuun barëmb umundu wi përits guukandër, ni përits tsu uwats bukul tsi bëka ban dits bi ka fiaara; maa ba tsuun uwats bukul tsi Nasien-batsi, nul na njai na roon nuu wël nja ngë ko bëlieng, ngan kës ngi, pa n ja pëlilanaan.

1 TIMOTEU 6:9

Maa baŋal pëci barëmb, bu ka ci tsi mteen-teenana, bu ka moba tsi pëgungan, ni tsi përi ngëko ngëcumal ngi kakaats-ibats a nguu tsiji ujuatsal, ngi kan cok ngi bañaan a nguu niaman bukul.

2 TIMOTEU 3:12

A te, ba ŋal biki bëlieng puu lënk Nasien-batsi tsi bëciir bukul ni Këristu Yeesu, bu ka ci tsi puu noorana.

2 TIMOTEU 4:10

par Demas afatsin ufets, uleka aŋal umundu untsari; apën atsëp Tesalonika, a Këreskes tsëp Galaasia, a Tiitu tsëp Dalmaasia;

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

BAYEBËREU 8:11

Ñaan katse ka jukan koon këjukan acintsul, oo nan tsaari ni nul, na jaul: Mean Ajug! Par bukul bëlieng bu ka mein, pëkur tsi nan pei pëci ñaan naties, te nan pei pëci ñaan nawiak.

JAKOB 1:27

Bëga bëjëntsal, te kaats mtsopi tsi bërun Nasien-batsi, Asin nja ci bun bi: Puu ya pëwin babënatsa ni ban cätsëndan biki bayën bukul, puu ya pëwin bukul tsi unjuatsia wi ba ciina wi, ni përits tsopandar ni ngëko umundu.

2 PER 2:9

Ko wi, apiban nja Ajug yël përand balënk-nasien-batsi mteenamana, ni pëwët ba mabats biki tsi unoor, te Unu kawat-pëleents.

2 PER 3:11

Bi ngëko ngi ka bink pëgaraa bëlieng, uwom ukoraar bañaan wi nda ka un pëci? Nda ka puu yandaar tsi bëjëntsal, ni tsi pëlënk Nasien-batsi,

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

1 JOŊ 5:19

Ngë me ngë ci biki Nasien-batsi, a umundu upëban ci tsi kañan Naro-ngëko-kawaraatsa.

JÚDAS 1:18

Iink ri ba ja ind run: “Tsi uwal utuami, ka ka bariat bañaan biki ka yandaar biki tsi kari-ngëko bukul ki kameets-nasien-batsi.”

UPIBAN 14:12

Pëliincandër bayëman aciina tsi, bukul ba mob biki tsi ngëtsua Nasien-batsi, ni tsi uwak tsi Yeesu.”