TIITU 1:3 - KARÚK-PËRIM KAWALU Nouveau Testament

³ Nul, tsi ngëwal ngan yecisa ngi, apibanaan përimul, tsi kaleents-përim ki wëlaa ki, bi Nasien-batsi tsu bi, nul Nabueran inja.

TIITU 1:3 ပူးပေါင်းရင်းမြစ်များ

MARKU 1:15

koo ja: “Uwal aband, pësien Nasien-batsi awokani. Nda yaari ibats, ndë Uwak tsi Upetsan-uwar.”

MARKU 13:10

Maa, Upetsan-uwar aka bërun pëleentsa bañaan ban cits biki Bajudeu bëlieng.

MARKU 16:15

A na ja bukul: “Nda tsëpan tsi umundu bëlieng, nda leentsan bañaan bëlieng Upetsan-uwar.

LÚKAS 1:47

uwaas nji kë lílan tsi Nasien-batsi, naëran nji.

NGËRO 10:36

Awëtani përimul pa babuk Israel, pa pëleents bukul Upetsan-uwar pëfac tsi Yeesu Këristu. Namëntsi ci-un Ajug bañaan bëlieng.

NGËRO 17:26

Tsi ñaan-najin naloole baŋ, a na leemp uraasa bañaan-bajin bëlieng pa ba jëk umundu. A nul car un ajaakar bañaan-bajin ngëwal ni ngëntsañi ngëcaak bukul.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 5:6

Par nul Këristu, uwal wi ngë wama wi ci barafal, na cätsar bameets-nasien-batsi, tsi uwal un jaaka wi.

1 KORINTU 9:17

Wul ka wun, uci ndu ndo wul tsi uŋal nji, ka ka bëluk; maa uci ndoots wul tsi uŋal nji, u ci uleemp wi n wëla wi përo.

GALAASIA 4:4

maa, a ngëwal kë band, a Nasien-batsi yëli Abukul, nan pënë-ni tsi ŋaats, a na pënë-ni tsi ulua,

EFEESU 1:10

pa uband uwal, Nasien-batsi ka tsu ngëko bëlieng, ngan ci ngi di batsi, ni ngan ci ngi tsi utsia, në jukëlën ngul tsi nawiak naloole, un ci wi Këristu.

EFEESU 2:17

Abi a na leents Upetsan-uwar pëfac, tsi ind bando biki lawan, ni pëfac tsi bando biki wokan;

FILIIPUS 1:13

Par, tsi bagaarir kato-pësien bëlieng, ni tsi bañaan ban duka bukunk bëlieng, awinaa u ci-undo Këristu ka wun n tanaa mkorente.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

1 TESALONIKA 2:4

Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.

1 TIMOTEU 1:1

Pol, Napostolu Këristu Yeesu, tsi utsua Nasien-batsi, Nabueran nja ni Këristu Yeesu, uwats nja;

1 TIMOTEU 1:11

Ci wun ko u yuk wi ni Upetsan-uwar përëmb Nasien-batsi, nul nanaakal; wul wi n tergaara wun.

1 TIMOTEU 2:3

Umënts wun aci ko u wara wi a u líl tsi bërun Nasien-batsi, Nabueran n ja,

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

2 TIMOTEU 4:17

Ajug tsënkin un, a na wëlin uyëlan, pa n leents përimul bëlieng, pa ban cits biki Bajudeu bëlieng ka te pul. A n pënanee di mtum ulioŋ.

TIITU 2:10

ban dits biki ka jej ko wi ba wëlaatsa wi. Maa ba pibani ba ci ban fiaara biki uwar. Unk, tsi ko un ci wi-ba këci, bu kë piban uwarara bëjukan Nasien-batsi, Nabueran inja.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

UPIBAN 14:16

Din a nan tsoar unk tsi kasa tsu ukaawiul tsi utsia, a kakaaw kaawaa tsi utsia.