ROOMA 8:9 - KARÚK-PËRIM KAWALU Nouveau Testament

⁹ Ind nda cits tsi uŋal-uliaf, maa nda ci tsi Uwejats, uci bi Uwejats Nasien-batsi ciina bunk di ind. A uci ñaan tsijats Uwejats Këristu, nul cits niicul.

ROOMA 8:9 ပူးပေါင်းရင်းမြစ်များ

LÚKAS 11:13

Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:17

nul Uwejats ucär, wi umundu yëlanats wi pëyank, par winats wul, te nin meets wul. Maa ind nda me wul, par wul aci ni ind, a uu ci di ind.

KAKÚRAN-KAWAR YEESU KRISTU BI JOŊ LEENŢ BI KUL AJA 14:23

A Yeesu yankul aja: “Uci ñaan ŋalin, në mob tsi përim nji, Asin nji ka ŋalul, wund ka bi tsi nul, wund ka ciina tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:34

Par, ni Nasien-batsi yëli unk, ka leents irim Nasien-batsi, par Nasien-batsi ka wëlul Uwejats te di ka niib.

KAKÚRAN-KAWAR YEESU KRISTU BI JOŊ LEENŢ BI KUL AJA 3:6

Nan bukee ñaan-najin, aci ñaan-najin; a nan bukee Uwejats, aci uwejats.

NGËRO 16:7

Bi ba band bi untsañi Míisia, bu kë tsas pëniaj Bitíinia, maa Uwejats Yeesu niiraants bukul.

ROOMA 7:5

Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

ROOMA 8:11

A uci Uwejats na natsani unk Yeesu di bacäts ci di ind, a nul na natsani unk Yeesu di bacäts ka tsu un buts ngëliaf ind ngan cats ngi, nga ka ubiira tsi Uwejatsul un ci wi di ind.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 15:23

Maa kara ñaan tsi bëyaasul: Këristu ci-un nacäk; a uu ba, ban ci biki bañaan Këristu, uwal wi nu bi wi.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 6:17

Maa ñaan nan bofi tsi Ajug, aci uwejats uloole ni nul.

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 10:7

Nduu teena ngëko tsi bënaamar ngul a? Uci ñaan watsar aja aci ni Këristu, na wejatsi bërierul kak, në me bi na ci bunk ni Këristu, wund buts wund aci biki Këristu.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

GALAASIA 4:6

A undo bi nda ci bi babuk, a Nasien-batsi wëtani Uwejats Abukul di ngëwaas nja, a uu lie koo ja: “Aba, Paapa!”

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 2:22

A tsi nul, ind buts nduu ci tsi pëleempaa nda mobulana pa pëci tsëciini Nasien-batsi tsi Uwejats.

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

FILIIPUS 1:19

Par, man me umënts wun kë tuamanaan pëci pëbuer nji, undo bëñaan ind, ni bëtsënk Uwejats Yeesu Këristu.

2 TIMOTEU 1:14

tsi bëtsënk Uwejats-ujënts, wul un ci wi di nja waayan bëgaang bëwar.

1 PER 1:11

bu tsas pëme uwar uwal umënts, ni ngëko ngi kan piban ngi ko wan kë ci, bi Uwejats Këristu un ci wi di bukul, leents bi ki këlum ngënoor ngi Këristu kë par-na ngi, ni përëmb pan ka pi pii fets ngul.

1 JOŊ 3:24

Ñaan na mobi tsi ngëtsuaul, amob tsi pëci di Nasien-batsi, Nasien-batsi mob tsi pëci di nul. Tsi ko wi, tsi ngë meena tsun na mob tsi pëci di nja: undo Uwejats wi na wël nja wi.

1 JOŊ 4:13

Tsi ko wi, tsi ngë meena tsun ngë mob tsi pëci di Nasien-batsi, a nul na mob tsi pëci di nja: bi na wël nja bi Uwejatsul.

1 JOŊ 4:4

Upats uties, ind nda ci biki Nasien-batsi, a nda gaañaar bayëlia batsup bamënts biki, par nan ci di ind, ape nan ci wunk di umundu.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 20:15

A na winaatsee ba na picana di ulibëru ubiira, agutsaa di pëwal bërua.