ROOMA 8:7 - KARÚK-PËRIM KAWALU Nouveau Testament

⁷ Wul ka wun, ko wi uŋal uliaf kë yimpara wi, aci pëñaas Nasien-batsi, par wul di ka niiran ngëtsua Nasien-batsi, a yëlats koon përo ko wan.

ROOMA 8:7 ပူးပေါင်းရင်းမြစ်များ

MATEU 12:34

Ko wi nda ci wi ngëko-pëtsats! Um di nda yil run pëja ngëko ngëwar, ind ba waraatsa biki? Par, un cum wi uwaas, wi mtum kë ja wun.

MATEU 5:19

Nandoi ko un pokaa wi tsi ulon tsi ngëtsua ngan pe ngink pëtienkëts, a nuu jukan bañaan përo unk, kee tsua nan pei pëtienkëts di pësien batsi. Maa nan cii tsi përo ko wi ngëtsua ngëmënts ngi ja wi, a nuu jukan bañaan përo unk, kee tsua nawiak di pësien batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 7:7

Bañaan umundu yëlanats pëñaas ind; maa nji, bë ñaasin, par ma nja n doon ka leents ngi bu kë ro ngi ci nga waraatsa ngi.

ROOMA 1:28

A bi ba tsuuts bunk ibats tsi ume Nasien-batsi, Nasien-batsi guts bukul tsi kawejats nga waraatsa ngi, a bu kë ro ngan kaats ngi përolaa.

ROOMA 1:30

bajaar bañaan ngan cits ngi, babër Nasien-batsi, bakarar, bape-iyeen bukul, baguukandar, bajaj-ngëwutsëtsuel, ni bamobats tsi përim ban buk biki bukul.

ROOMA 3:31

Bi u ci bank, nja ka ba ni ngëtsua undo uwak-a? Nin-a! Maa, nja ka pe këpe pëliincan ngëtsua.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 7:22

Par tsi bëci nji tsi uwejats, man nja ndoon ka n lílandër ngëtsua Nasien-batsi;

ROOMA 8:4

pa bëmabal ban ci bi tsi ngëtsua pëci ba band bi tsi nja; n ja ban dits biki ka yandaar tsi uŋal uliaf, maa tsi Uwejats.

1 KORINTU 2:14

Maa, ñaan-najin di ka niiran ngëko Uwejats Nasien-batsi, par ngul aci bëfuur pa nul; di ka yëlan pëme ngul, par Uwejats ka piban wun ngul.

1 KORINTU 9:21

Pa ban kaats bukun ulua, a nduka n ci pi bukul, pa pëgaañaar ban kaats bukun ulua; cits pëjaa nji n mobats tsi ulua Nasien-batsi, maa man mob tsi ulua Këristu.

KOLOS 1:21

A ind, tsi ngëwal ngan par ngi, nda ro lawan Nasien-batsi, a nda ci babër tsi ngëwejats ind, undo ngëko-kawaraatsa ngi nda ro ngi ka ro.

KOLOS 2:18

Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

2 TIMOTEU 3:4

baya ñaan ufets, bacar-uriab, biki mguukandër kuelëtsan biki, baŋal ngëlílal te pë jaa bë ŋal Nasien-batsi;

BAYEBËREU 8:10

Ajug aja: ‘Ki ci kun karo-pëloole ki ndu ndo ki ni kato Israel, upar uwal umënts, mán tsu ngëtsua nji tsi ngëwejats bukul, ka pican ngul di ngëwaas bukul. Mán ci Nasien-batsi bukul, bu ka ci bañaan nji.

JAKOB 4:4

Ind ba mobats biki tsi Nasien-batsi! Nda meets pëŋal umundu ci pëñaas Nasien-batsi-a? Unk, na ŋali pëfets ngëko umundu, ka ci buñaasar Nasien-batsi.

2 PER 2:14

Këkës bukul acum ni mjubi, a bu ri ka paaraar ujuban, bu kë fal ba liincats bukun tsi uwak, a ngëwaas bukul mob tsikariisan-ko; bë ci upäts bëjuats.