ROOMA 8:3 - KARÚK-PËRIM KAWALU Nouveau Testament

³ Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

ROOMA 8:3 ပူးပေါင်းရင်းမြစ်များ

MARKU 15:27

Bë rieŋul di kruus ni ngëwayu ngëtëb, nalon tsi kariirul, a nacints tsi kamayul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 9:24

Din, a Bafariseu tëbants përui niints nandon unk kuelëts, a ba jaul: “Dëmbani Nasien-batsi; wund ame ñaan ni ci najuban.”

NGËRO 13:39

tsi nul, na waki ba këwak atsua namabal.

ROOMA 3:20

Wul ka wun, nin ñaan di ka tsuaa namabal tsi bërunul, undo ngi në ro ngi tsi ngëtsua; par tsi ngëtsua, tsi kame ujuban pënë-ni tsun.

ROOMA 6:6

A ko wi, wi ngë ka wun pëme: Bëci nja bëjon arieŋa di kruus ni Këristu, pa uliaf ujuban pëcoka, unk ngë katse ka ci baluek ujuban;

ROOMA 7:18

Par man me ne, tsi nji, un ci wi tsi uliaf nji, nin ulon ko u wara wi cits tsi nji.

ROOMA 8:32

Nul na laaŋats Abukul bërierul, maa na wëlul undo n ja bëlieng, a um bi na rits bun ka wël ngëko bëlieng bëlukats, pa n ja ni Abukul?

ROOMA 9:3

a n do ŋal nji bërierin pëci ujuatsal, ka patsësar ni Këristu undo bëŋal biki wund tsaar biki, bayëts nji tsi pëñaak,

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

GALAASIA 3:21

Ane ulua anatsara pëkaman ngëwatsan Nasien-batsi-a? Nin-a! Par uci ulua ro wëlaa, uyëlan wi pëwël ubiira, tsi ucär, bëmabal abi ka pënë-ni tsi ulua.

FILIIPUS 2:7

Maa atsu beenul nacits-ko, a na ruka ci bënaam bañaan-bajin, a na jej bëci naluek atsuar. A bi na wina bunk tsi bënaamul na ci ñaan-najin,

BAYEBËREU 10:12

Maa Yeesu, aro bëjakan bëloole baŋ, tsi uleka ngëjuban, pa ngëwal bëlieng, a na tsoar tsi kariir Nasien-batsi.

BAYEBËREU 10:14

Par, ni bëjakan bëloole baŋ, atsu ba yëmana biki a ba ci ban ba biki pëci bawar, pa ngëwal bëlieng.

BAYEBËREU 2:14

A bi upäts bof bunk pëñaak ni uliaf, nul buts, unk di na bof run tsi ngëmënts ngun, pa tsi pëcätsul në cok-cokan kantsijëna pëyëlan pëcäts, un ci wi, Ujabël.

BAYEBËREU 2:17

Wul ka wun na ka na roon, tsi ko un ci wi-ba këci, në ci pi batsaar ni nul. Unk në ruka ci nan pei pëci nawiak-bajakan na yëki ipës a na moband tsi ngi Nasien-batsi, në tsiji pëjampësaa ngëjuban bañaan-ucaak.

BAYEBËREU 4:15

Par, ngë kaats nan pei pëci nawiak-bajakan na yëlaantsi pëyëkar inja ipës tsi uleka ngi barafal inja; ateen-teenana tsi ngëko bëlieng pinja maa kaats ujuban.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.