ROOMA 8:24 - KARÚK-PËRIM KAWALU Nouveau Testament

²⁴ Par aci tsi uwats tsi ngë buerëna tsun. A uwats u wina wi, katse ci uwats; par ko wi ñaan win wi, um bi nu wats bun wul?

ROOMA 8:24 ပူးပေါင်းရင်းမြစ်များ

ROOMA 12:12

Nda lílani tsi uwats, ndë ci baja ngëwar tsi unoor, ndë mob tsi bëñaan nda liincan.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 4:18

A bi na katse bi ka uwats, na wak; a unk di na ci run asin bañaan bacumal, bi u ro bi picana aja: “Unk di kajëru kë ci run.”

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

ROOMA 8:20

Par ngan leempa ngi atsua tsi kakaats-bëkat, cits undo uŋal ngul, maa undo nan tsui ngul ko wan; tsi uwats,

1 KORINTU 13:13

Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

2 KORINTU 4:18

Nja ngë tsuuts ibatsi njatsi ngëko ngi ka wina ngi, maa tsi ngan dits ngi ka wina; par ngëko ngi ka wina ngi, aci ngan dits ngi ka jon; a ngan dits ngi ka wina, ci ngan dits ngi ka ba.

2 KORINTU 5:7

Par nja ka yandaaraan tsi uwak, cits tsi uwinar.

GALAASIA 5:5

Par wund, tsi Uwejats Nasien-batsi, undo uwak, wund aci tsi pëlip uwats bëmabal.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 1:5

Uwak umënts wun, ni bëŋal bëmënts bun apënë-ni tsi uwats un gaanga wi pa ind di batsi. Nda te ba uleka uwats umënts wun tsi përim ucär; pul ci pun Upetsan-uwar

1 TESALONIKA 5:8

Maa n ja ban ci biki biki pënak, nda ju ngë ci baliingëlën-ko, ngë waa kaŋí-ukam kakundëni bëjinc, ki uwak ni bëŋal, nja ka wura kaŋí-ukam kakundëni been, ki uwats pëbuer.

2 TESALONIKA 2:16

Ajug nja Yeesu Këristu bërierul, ni Asin nja Nasien-batsi, nul na ŋalnjai, a tsi bëtseend a na wël nja ka liinc-liincana ngëwaas kan dits ki ka ba, a na wëland nja uwats u wara wi.

TIITU 3:7

Unk, tsi bëtseendul a na tsu nja a ngë ci bamabal, pa nja ka ruka ci barukanda, undo pëwats tsi ubiira un dits wi ka ba.

BAYEBËREU 11:1

Uwak, aci umobanaani nga fiaara ngi, upibanaani ngëcar ngan dits ngi ka wina iink.

1 PER 1:21

A tsi nul, tsi nda wakëna tsun Nasien-batsi, nul na natsaniuli di bacäts, a na wëlul përëmb, pa uwak ind ni uwats ind pëciina tsi Nasien-batsi.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.