Nul ni batsi këtsij te uwal wi ngëko kak wi aci bëlieng, bi nga ro bi ka pëci, bi Nasien-batsi ro bi car aleents tsi mtum bayëliaul bayëman ki uwal ujon.
A cits ngul rin, maa ŋal nja buts ba yank biki kafa kacak ki Uwejats, unk buts di nja kë ti run tsi nja bërier nja pa pëlip utsua n ja pëci babuk Nasien-batsi, ubuerana ngëliaf nja.
Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.
Irim yi uyaas uloole kak apiban ne, ngëko ngan yëlana ngi pësiints-siintsana ka pënanaa, ngul nga leempa ngi këleempa. Unk ko u yëlanaatsa wi pësiints-siintsana ka mob tsi pëci.
Mteenamana mmënts mi apiban uwak ind ka bëkat, pa wul pëtsënkan ubundan, ni përëmb, ni urispiitu, upibandari Yeesu Këristu. A wul uwak ind ape mak uwëru uni coka wi pëka bëkat, ŋal bi uwëru teenamana bi di bërua.
Nda teenan bëŋal bëwiak bi Asin wël nja bi, a u tsënkëna tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.
Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.