ROOMA 8:17 - KARÚK-PËRIM KAWALU Nouveau Testament

¹⁷ A uci ngë ci upäts Nasien-batsi, ngë ci barukanda, barukanda ngi Nasien-batsi, barukanda ni Këristu. Uci bi ngë bof bink tsi unoorul, n ja kee bof buts tsi përëmbul.

ROOMA 8:17 ပူးပေါင်းရင်းမြစ်များ

MATEU 16:24

Din, a Yeesu ja bafetsul: “Na ŋali pëfetsin, na bëran ngiicul; në lapan kruusul, nuu fetsin.

MATEU 25:21

A ajugul jaul: ‘M do uwar, naleemp nawar a m moband tsi ko wi m tsua wi; m mob tsi ngëko ngëties, mán tsuu kë kaana ngëcumal. Pëni kë bofara ulílan ni ajugu.’

LÚKAS 12:32

Ind ban ci bikink pëtan pëties, ind tsë lënk. Par Asin ind alílandër pëwël ind pësien.

LÚKAS 24:26

Ane Këristu roots ka pënoor a uu ba në niaj tsi përëmbul-a?”

KAKÚRAN-KAWAR YEESU KRISTU BI JOŊ LEENŢ BI KUL AJA 17:24

Paapa, ma ŋal tsi n ci tsi, biki m wëlin biki ka ci buts tsul ni nji, pa bukul pëwin përëmb nji pi m wëlin pi. Par, umundu ruka ka leempa, a m ŋalin.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 20:32

A inkri, man tanan ind Nasien-batsi, ni përimul pi bëtseend, pan ka pi pëyëlan pëliican ind ni pëwël ind bërukanda ban tsuura bi ban patsana biki bëlieng.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

ROOMA 5:17

Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

ROOMA 8:3

Par ko wi ngëtsua roots wi yëlan përo, undo bi uliaf tsu bi wul kakaats-pëyëlan, Nasien-batsi aro wul, bi na wëtani Abukul bërierul tsi bënaam uliaf ujuban, a na lacan ujuban un ci wi tsi uliaf,

1 KORINTU 2:9

Maa iink picana run: “Ngëko ngi këkës winats ngi, ngi ibats teets ngi, ngan niajats ngi yaas di ngëwaas bañaan-bajin, ngul ngi Nasien-batsi yecis ngun pa ba ŋalul biki.”

2 KORINTU 1:5

A bi unoor Këristu cum bi tsi wund, unk buts di kajuabëtsan ngëwaas wund tsi Këristu cum dun.

2 KORINTU 1:7

A uwats wund tsi uleka ind aci u liinc wi. Wund ame, bi nda bofëna bi tsi ngënoor wund, unk buts bi ndu ci bun tsi kajuabëtsana-ngëwaas.

GALAASIA 3:29

A uci nda ci biki Këristu, nda ci kajër Abraam, barukanda, bi Nasien-batsi watsan bi ja.

GALAASIA 4:7

Unk, m katse m ci naluek, maa m ci abuk; a bi m ci bink abuk, Nasien-batsi atsuu buts pëci narukanda-bëka.

EFEESU 3:6

A wul, undoots wi mea ci wun wi: tsi Upetsan-uwar, ban cits biki Bajudeu abof tsi bërukanda bëloole bun, a ba bof tsi uliaf uloole wun, ni uwatsana uloole wun tsi Këristu.

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

TIITU 3:7

Unk, tsi bëtseendul a na tsu nja a ngë ci bamabal, pa nja ka ruka ci barukanda, undo pëwats tsi ubiira un dits wi ka ba.

BAYEBËREU 1:14

Ngëwaanju bëlieng cits ink ngëwejats ngan ci ngi tsi uleemp-a? Nga yëlee ngi pa puu tsënk biki ka yank biki pëbuer.

BAYEBËREU 1:2

Maa tsi ngënu ngëtuami ngi, añakanaan ni nja aparanaan tsi Abuk; nul ni na tsu un pëci narukanda ngëko bëlieng, a nul ni na leempëna un ngëmundu.

BAYEBËREU 6:17

Unk, Nasien-batsi aŋal pëpiban barukanda uwatsan, ne, ko wi na tsaag wi di ka but bëlon bëci. Wul ka wun, ni ubaaja a na mob tsi ko wan.

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 1:4

ninja pëka bërukanda ban dits bi ka coka, ban kaats bi mtsopi, ban dits bi ka rots, ban gaangara ind bi di batsi.

1 PER 4:13

Maa nda lílani bi nda bofana bi tsi unoor Këristu, pa upibandari përëmbul ind buts ndë juc ni ulílan.

UPIBAN 21:7

Nakuk ka rukanda ngëmënts ngi; nji mán ci Nasien-batsiul, në ci abuk nji.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.