ROOMA 8:1 - KARÚK-PËRIM KAWALU Nouveau Testament

¹ tsi inkri, nin pëlon pëlacana cits pa ban ci biki tsi Këristu Yeesu.

ROOMA 8:1 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 14:20

tsi unu umënts wan, ndu me, man ci di Asin nji, a nda ci di nji, a n ci di ind.

KAKÚRAN-KAWAR YEESU KRISTU BI JOŊ LEENŢ BI KUL AJA 15:4

Nda moban tsi pëci tsi nji, nji buts ka mob tsi pëci tsi ind. Bi kana yëlanats bunk pëtsij mbuk bërier kul, uci ka mobats tsi pëci tsi bëko, unk buts di nda rits run ka yëlan, uci nda mobats tsi pëci tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

ROOMA 16:3

Nda leendarin Priskila ni Akiilas, baleemp ni nji tsi Këristu Yeesu,

ROOMA 16:7

Nda leendarin Androoniku ni Júnias, bayëts nji, a ba ciind bacints nji di ukalabus; bukul bë ci ba rispitaara biki mak tsi bapostolu, a ba cakësin pëci tsi Këristu.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 5:16

A utseend yëlants pëjaaka ni ujuban wi ñaan naloole do wi; par kawat-pëleents apënë-ni tsi ujuban ñaan naloole, a ka tsiji pëlacana. A tsi ngëguus ngëcumal, utseend u wëla wi bëlukats tsij inja pëtsua bamabal.

ROOMA 7:17

Inkri, katse ci nji ka ndo un ko wan, maa aci ujuban un ciina wi tsi nji.

ROOMA 7:20

A uci ndu ndo ko wi n ŋalats wi, katse ci nji ka ndo un wul, maa aci ujuban un ciina wi tsi nji.

ROOMA 8:11

A uci Uwejats na natsani unk Yeesu di bacäts ci di ind, a nul na natsani unk Yeesu di bacäts ka tsu un buts ngëliaf ind ngan cats ngi, nga ka ubiira tsi Uwejatsul un ci wi di ind.

ROOMA 8:14

Par biki Uwejats Nasien-batsi kë tsëpand biki, bë ci babuk Nasien-batsi.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

ROOMA 8:34

Yën ci-un nalacan? Aci Këristu nul nan cätsi; oo andes nul na natsee di pëcäts, a na tsoar tsi kariir Nasien-batsi a nuu ñaanar nja.

ROOMA 8:39

nin unatsar, nin uwandar, nin ulon ko uleempa wi këleempa, yëlants pëpatsës nja ni bëŋal Nasien-batsi, ban ci bi tsi Këristu Yeesu, Ajug nja.

ROOMA 8:4

pa bëmabal ban ci bi tsi ngëtsua pëci ba band bi tsi nja; n ja ban dits biki ka yandaar tsi uŋal uliaf, maa tsi Uwejats.

ROOMA 8:9

Ind nda cits tsi uŋal-uliaf, maa nda ci tsi Uwejats, uci bi Uwejats Nasien-batsi ciina bunk di ind. A uci ñaan tsijats Uwejats Këristu, nul cits niicul.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

1 KORINTU 15:22

Par, bi bañaan kë cäts bunk bëlieng tsi undo Adam, unk buts di bañaan bëlieng kë ka run ubiira tsi undo Këristu.

2 KORINTU 12:2

Ma me nalon ñaan tsi Këristu, wul ro wink ngëwaanu untaaja ni ngëbaakër ki na ro ki waja te di batsi buwaajatsan; uci ank tsi uliaf uu, ane apën tsi uliaf uu, nji n meets; Nasien-batsi me un wul.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

GALAASIA 3:26

Par ind bëlieng nda ci babuk Nasien-batsi, tsi undo uwak ind tsi Këristu Yeesu;

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

GALAASIA 5:16

Maa, ma nja: Nda yandaari ni Uwejats Nasien-batsi, unk nda katse koo fets ngëko ngi uliaf ind kërí ngi.

GALAASIA 5:25

Bi ngë kaana bink ubiira tsi Uwejats Nasien-batsi, nda ju ngë yandaar buts tsi Uwejats Nasien-batsi.

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.