ROOMA 7:7 - KARÚK-PËRIM KAWALU Nouveau Testament

⁷ A we wnja kë ja wun inkri? Wël ngëtsua aci ujuban-a? Nin-a! Maa nji man meena ujuban tsi ngëtsua; unk nji n bitse ka me ko un ci wi karí-ko, uci ngëtsua roots ja: “M di kë rí ko ñaan.”

ROOMA 7:7 ပူးပေါင်းရင်းမြစ်များ

MATEU 5:28

Maa nji, ma n ja ind: Uci ñaan teen ŋaats a na ríul, a jub ba ni nul di uwaasul.

LÚKAS 12:15

Na ja bukul: “Nda roon bëwaar! Ind tsë tsu ibats tsi karísan-ko. Par ubiira ñaan ciinats tsi urëmbar ngëko ngi na ka ngi.”

LÚKAS 20:16

Ka bi, në fiŋ baleemp bamënts bëkun, në rukar balon uwoorta mko ubiiñu.” Bi bañaan te bi ko wan, a ba ja: “Di ka ci!”

NGËRO 20:33

Nji n díits nin uncaam ñaan, nin uwëruul, nin kaŋiul ki bëtiem.

ROOMA 13:9

Par ngëtsua ngi: “M di kë piintsand ŋaats na nimee, m di kë fiŋ ñaan, m di kë kiej, m di kë jaar ñaan ko un cits wi, m di kë rí ko ñaan,” a uci ulon utsua ci ba këci, ngul abaraana tsi përim pi: “Kë ŋal acintsu pi m ŋal pi beenu.”

ROOMA 3:20

Wul ka wun, nin ñaan di ka tsuaa namabal tsi bërunul, undo ngi në ro ngi tsi ngëtsua; par tsi ngëtsua, tsi kame ujuban pënë-ni tsun.

ROOMA 3:5

A uci kamabats nja ka kun bëmabal Nasien-batsi wina, we wnja kë ja wun? Mán ñakan këñaan-bajin, Nasien-batsi ci namabats uwal wi në tucan nja wi ni uriabul-a?

ROOMA 4:1

A we wnja kë ja wun Abraam atsënkan tsi uliaf, nul asin nja najon?

ROOMA 4:15

Ulua ka tsiji uriab, a tsi ngëtsua cits tsi, kaguus-ko buts cits tsul.

ROOMA 5:20

Maa wël ngëtsua abi pa ulaci pëwatsësar, a tsi ujuban kë watsësar tsi, bëtseend kë pe këpe pëwatsësar;

ROOMA 6:15

Inkri we wnja kë baaraan wun? Nja ka juban undo bi ngë cits tsi ngëtsua, a ngë ci tsi bëtseend Nasien-batsi-a? Nin-a!

ROOMA 7:11

Par ujuban amobaraana utsua, a u falin; a tsi wul, u fiŋin.

ROOMA 7:13

Ane ko uwar ruka wun aci pëcäts pa nji-a? Nin-a! Maa wul ujuban, wël pëpiban u ci ujuban, a u tsu uwar un ci wi di nji u buk pëcäts; pa tsi utsua, ujuban ka ruka baar pëci ujuban.

ROOMA 7:5

Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

ROOMA 7:8

Maa wul ujuban amobaraana tsi utsua, a u wamb ngë koraar karí-ko kan ci ki di nji; par tsi ngëtsua cits tsi, ujuban a cäts.

1 KORINTU 15:56

Katap pëcäts aci ujuban, a uyëlan ujuban ci ulua.

EFEESU 5:3

Unk, mampiintsandar ni karo-ngëtsopal kan ci ki-ba këci ni karisan-ko tsë lesaa koon këlesaa tsi pëncuaf ind; bi u ka bi pëci tsi bayëman.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

1 TESALONIKA 4:5

Nul tsë ci tsi përi ngëko katúk-ufuts, bi ban cits biki Bajudeu kë ro bi, bukul ba meets biki Nasien-batsi.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.