ROOMA 7:6 - KARÚK-PËRIM KAWALU Nouveau Testament

⁶ Maa inkri ngë pënana tsi ngëtsua, par ngë cats uleka ko undo wi mob inja tsi pëluek; wul ka wun nja kë leemparaan Nasien-batsi tsi bëci buwalu tsi Uwejats, katse ci tsi bëci bëpic bëjon.

ROOMA 7:6 ပူးပေါင်းရင်းမြစ်များ

ROOMA 1:9

Nasien-batsi, nul ni ndu leempari tsi uwejats nji, tsi pëleents Upetsan-uwar Abukul, amaatir bi n wëtaants bi pëles ind

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

ROOMA 6:11

Unk ind buts, nda tsuun tsi ibats ind nda cäts tsi uleka ujuban, a nda yës pa Nasien-batsi tsi Këristu Yeesu.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 6:2

Nin-a! Nja ban cäts biki tsi ujuban, um bi ngë ci bun bayësal kak tsi wul?

ROOMA 6:22

Maa inkri, bi nda facana bink tsi ujuban, a nda ruka ci baluek Nasien-batsi; ko wi ndu buk wi inkri aci bëjëntsal, tsi utuami u ci ubiira un dits wi ka ba.

ROOMA 6:4

Wul ka wun, ngë mooya ni nul tsi undo bëmijana pëcätsul, pa bi Këristu natsanee bunk di bacäts tsi përëmb Asin, unk buts di nja kë yandaar run buts tsi ubiira uwalu.

ROOMA 7:1

Ind batsaar ni nji! Mán ñakanaan bañaan ba me biki ngëtsua uwar; nda meets ngëtsua ka pëyëlan tsi ñaan uwal wi na wama wi ci nayësal-a?

ROOMA 7:2

Unk buts ŋaats na nimee, ngëtsua mobulanul ni ayën uwal wi ayën wama wi ci nayësal; maa uci ayën cats, ŋaats apën tsi ngëtsua u mobulanul wunk ni ayën.

ROOMA 7:4

Unk ind buts batsaar ni nji, bi nda bof bunk tsi uliaf Këristu, nda cäts tsi uleka ngëtsua, pa ind pëci biki nalon, na natsee unk di bacäts, pa nja pëtsij mbuk pa Nasien-batsi.

2 KORINTU 3:6

Nul ci-un na wël wundi pëyëlan pëci baleemp tsi Karo-pëloole kawalu. Cits tsi upic, maa tsi Uwejats; par upic ka fiŋ, maa Uwejats ka wël wun ubiira.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

GALAASIA 3:13

Këristu aweelësi nja di bëjuats ulua, bi na tsu bi beenul bërierul na ci bëjuats tsi pëlas nja. Par iink picana run: “Na laantee-ba këlaanta di pëmul, aci bëjuats.”

GALAASIA 6:15

Par, nin kawela-kambac, nin kawelaatsa-kambac cits ulon ko; maa un ka wi bëkat, aci pëci ñaan nawalu.

EFEESU 4:24

ni ind pëwaa ñaan nawalu na leempee tsi uŋal Nasien-batsi tsi bëmabal ni uyëman, ngan pënë-ni ngi tsi ucär.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

KOLOS 3:10

a nda tiema bëci buwalu, bul ba n ja bi ba roon, buu witsa buwalu tsi bënaam na leempi bul, pa pëka ume.