ROOMA 7:5 - KARÚK-PËRIM KAWALU Nouveau Testament

⁵ Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

ROOMA 7:5 ပူးပေါင်းရင်းမြစ်များ

MATEU 15:19

Par, di uwaas di ngëwejats nga waraatsa ngi kë pën-ni run: Kafiŋ-ñaan, pëjub, katúk-ufuts, kakiej, pëja gi mmatirits gi ni mankarar.

KAKÚRAN-KAWAR YEESU KRISTU BI JOŊ LEENŢ BI KUL AJA 3:6

Nan bukee ñaan-najin, aci ñaan-najin; a nan bukee Uwejats, aci uwejats.

ROOMA 1:26

Undo ko umënts wun, Nasien-batsi guts bukul tsi kari-ngëko ngan kawundan ngi, par ŋal bakaats bukul bu tsëtsëlan bi u ja bi u roon u rolaa, koo ro un dits wi ka rola.

ROOMA 3:20

Wul ka wun, nin ñaan di ka tsuaa namabal tsi bërunul, undo ngi në ro ngi tsi ngëtsua; par tsi ngëtsua, tsi kame ujuban pënë-ni tsun.

ROOMA 4:15

Ulua ka tsiji uriab, a tsi ngëtsua cits tsi, kaguus-ko buts cits tsul.

ROOMA 5:20

Maa wël ngëtsua abi pa ulaci pëwatsësar, a tsi ujuban kë watsësar tsi, bëtseend kë pe këpe pëwatsësar;

ROOMA 6:13

Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 6:21

A tsi utuami, buom bëkat bi nda ka bun? Aci ngëko ngi nda kawara ngi inkri, par utuami ngul aci pëcäts.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 7:23

maa ma win ngëtsua ulon tsi incimëntsu uliaf nji, wi kan kaman wi ngëtsua un ci wi tsi uwejats nji, a u tsuin pëci naluek tsi ngëtsua ujuban un ci wi tsi incimëntsu uliaf nji.

1 KORINTU 15:56

Katap pëcäts aci ujuban, a uyëlan ujuban ci ulua.

2 KORINTU 10:3

Ŋal bi wund kë yandaar bi tsi uyamats, maa cits bi uyamats ŋal bi, bi wund kë kamanaan bun.

GALAASIA 3:10

Par, ban ci bukunk bëlieng baro ko wi ulua tsu wi, bë ci tsi bëjuats. Par iink picana-run: “Na mobatsi-ba këmob aliincan tsi ngëko ngan picana ngi bëlieng di ulibëru ulua, pa puu ro ko wi nga ja wi, aci tsi bëjuats.”

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 2:11

Wul ka wun, nda lesan ki uwal ujon, ind ban cits biki Bajudeu tsi uyamats, a ban tsuar bukunk pëci biki iñan bañaan-bajin welan biki kambac tsi uyamats, kë ru ind koo ja bawelaatsa-kambac.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

JAKOB 1:15

A kari-ko seempa, kë buki ujuban; a ujuban jëŋ u buk pëcäts.

JAKOB 4:1

We tsu ind wun ukam, ni pëŋom tsi pëncuaf ind? Cits iink ngëlílal ngi nda ŋal ngi, a nguu kaman ind tsi ngëliaf ind-a?

1 JOŊ 3:4

Ñaan nandoi ba këro ujuban, aro buts ko wi ulua Nasien-batsi pok wi; par ujuban, aci uwal wi m do wi ko wi ulua Nasien-batsi pok wi.