ROOMA 7:18 - KARÚK-PËRIM KAWALU Nouveau Testament

¹⁸ Par man me ne, tsi nji, un ci wi tsi uliaf nji, nin ulon ko u wara wi cits tsi nji.

ROOMA 7:18 ပူးပေါင်းရင်းမြစ်များ

MATEU 15:19

Par, di uwaas di ngëwejats nga waraatsa ngi kë pën-ni run: Kafiŋ-ñaan, pëjub, katúk-ufuts, kakiej, pëja gi mmatirits gi ni mankarar.

LÚKAS 11:13

Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:6

Nan bukee ñaan-najin, aci ñaan-najin; a nan bukee Uwejats, aci uwejats.

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

ROOMA 7:15

Par nji bërierin, in meets ko wi ndu ndo wi; cits ko wi n ŋal wi, wi ndu ndo wun, maa wi n ñaas wi.

ROOMA 7:19

Par nji, uwar wi n ŋal wi, man ja ndoon in di ka ndo wul; a uwutsëtsuel wi n ŋalats wi, man nja doon ka ro wul.

ROOMA 7:25

Nasien-batsi na baranaan tsi Yeesu Këristu, Ajug nja! Tsi inkri, man ci naluek ngëtsua Nasien-batsi tsi ume, maa man ci naluek ngëtsua ujuban tsi bëci uliaf.

ROOMA 7:5

Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

GALAASIA 5:17

Par, uliaf ka kaman Uwejats Nasien-batsi, a Uwejats Nasien-batsi këkaman uliaf; ngëtëb ngëmënts ngi, aja un ci wi uu kaman ucints wul; unk, nda rits uu ro ko wi nda ŋal wi.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

FILIIPUS 2:13

Par, Nasien-batsi ci-un nan ci tsi pëleemp tsi ind, pa pëwël ind uŋal, ni përo bi utsaagul uwar ci bi.

FILIIPUS 3:12

Cits pëjaa ne, man yank ba umënts wan bëlieng, oo ne manduka n ba ba pëwarandana. Maa, man ci tsi pëtukar pëmob wul, par nji bërierin, Këristu Yeesu amobin.

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.