ROOMA 6:21 - KARÚK-PËRIM KAWALU Nouveau Testament

²¹ A tsi utuami, buom bëkat bi nda ka bun? Aci ngëko ngi nda kawara ngi inkri, par utuami ngul aci pëcäts.

ROOMA 6:21 ပူးပေါင်းရင်းမြစ်များ

ROOMA 1:32

Ŋal bi ba me bi ngëtsua Nasien-batsi ja, ban ci biki tsi përo ngëko ngan, bu ka pëfiŋa, bu baarats ibats rin tsi përo ngul, maa bu kë niiran biki kando biki ngul.

ROOMA 5:12

Wul ka wun, bi ujuban niajëni bunk tsi ñaan naloole baŋ tsi umundu, a tsi undo ujuban pëcäts baandi, a unk di pëcäts yaana run bañaan-bajin bëlieng, par bañaan bëlieng bu juban.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 7:5

Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

ROOMA 8:13

Par uci nda ci tsi përo uŋal uliaf, ndë cats; maa uci tsi Uwejats a nda tsu ngi uliaf kë ro ngi a nga cäts, ndë ka ubiira.

ROOMA 8:6

Par ko wi uŋal uliaf kë yimpara wi, aci pëcäts; a ko wi Uwejats kë yimpara wi, aci ubiira ni pëfac.

2 KORINTU 4:2

Maa wund abër përo ngëko ngan beka ngi, ngan kawaran ngi, wund ri ka yandaar tsi maniamëlan, a wund ri ka cík përim Nasien-batsi. A bi wund kë piban bi ucär, wund kë tsas pëgañaar ngëwejats bañaan bacumal tsi bërun Nasien-batsi.

2 KORINTU 7:11

Par nda teenan-e ko wi pëjuatsan pan pënë-ni pi tsi Nasien-batsi, tsiji ind wi! Ko wi nda tukar wi pëpiban ko wi nda ci wi! Ko wi nda ci wi ban kawarana biki! Ko wi nda ci wi balënk-Nasien-batsi; Ko wi nda tsij wi uŋal! Ko wi nda tsij wi uŋal karo-ko! Ko wi tsij wi uŋal pëtucan naro-ngëwutsëtsuel! Tsi ngëmënts ngan bëlieng, nda piban nda ci ban jënts biki tsi ko wan.

FILIIPUS 3:19

Ko wi bu kë tuamanaan wi, aci pëniam; par pëpës ci pun nasien-batsi bukul, a bu kë pícëna ko un ci wi bukul mkaw, bukul bawejats ngëko umundu.

BAYEBËREU 10:29

Nda wejatsari-e! Nan poos-poosani Abuk Nasien-batsi, nan tsui pëñaak karo-pëloole pi ko utsopal, te tsi pul tsi na ro tsun yëmana, a nee kar Uwejats, wi bëtseend, uwom unoor un pe pëjuats ka kakanaul wun?

BAYEBËREU 6:8

Maa uci u mayani iyu ni uŋoñu, kaats bëkat, aruka ci wul pëjaa ujuatsal, utuamanaan pëtëraa.

JAKOB 1:15

A kari-ko seempa, kë buki ujuban; a ujuban jëŋ u buk pëcäts.

JAKOB 5:20

ndë me, nan pënanii najuban tsi bëga bi na ro bi niamëna, ka bueran ubiira ñaan namënts un tsi pëcäts, në kund ngëjuban ngëcumal mak.

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.

UPIBAN 16:6

Undo bu túl pëñaak bayëman, ni pi bayëlia, a m wël buts bukul pëñaak ba raan; aci ko wi ba tsasar wi iyeen bukul!”

UPIBAN 20:14

A pëcäts ni mcäts gutsaa di pëwal bërua. Pëwal bërua pëmënts pi, ci pun pëcäts pëtëbantsan.