ROOMA 6:17 - KARÚK-PËRIM KAWALU Nouveau Testament

¹⁷ Ngë ja Nasien-batsi baran! Ind ban do biki ci baluek ujuban, maa, nda niiran di ngëwaas ind bëlieng bëjukan ba naam bi ni bi nda wëla bi.

ROOMA 6:17 ပူးပေါင်းရင်းမြစ်များ

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 28:15

A ban tsaar biki ni wund ban ci biki rul te uleka wund, a ba bi te di Përaasa Aapiu, ni di tsëko tsi ka n jaka tsi Ngëloca-ngëwaants, pii jëk ni wund. A bi Pol win bi bukul, a na baran Nasien-batsi, na ci ni bëyeentsal.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 1:8

tsi ucak ko, mán baran Nasien-batsi nji tsi katim Yeesu Këristu, tsi uleka ind bëlieng; par uwak ind añakanaana tsi umundu bëlieng.

ROOMA 15:18

Par in di ka n yeents pëñakan ulon ko, ucits ba ngi Këristu roona ngi tsi nji, pa pëtsu ban cits biki Bajudeu ba niiran Nasien-batsi, tsi undo përim, ni undo ngandola ngi,

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 1:4

Ma n ja n doon koo baran Nasien-batsi sandëndën tsi uleka ind, undo bëtseendul bi na wël ind bi tsi Këristu Yeesu.

1 KORINTU 14:6

Maa inkri, batsaar ni nji, uci n bi di ind a ndu n ñakan mleents ngëtsooŋ, buom bëkat bi n du n kaar ind bun, uci ñakanaanats ind tsi upiban, oo tsi ume, oo tsi pëleents u meaatsa wi, oo tsi bëjukan?

2 KORINTU 2:14

Maa Nasien-batsi na baranaan, nul nan tsunjai a ngë kuk tsi Këristu pa sandëndën; a tsi nja na tsu Këristu na meaa tsi tsëko tsan ci tsi ba këci, pi pëñal ulicar garandar pun.

EFEESU 1:16

in wëtaants pëja Nasien-batsi baran pa ind, ni puu les ind tsi bëñaan nji.

1 TESALONIKA 3:9

Par, pëom pëbaran pi wund yëlan pun pëbaran Nasien-batsi tsi uleka ind, pa ulílan bëlieng wi wund lílan wi tsi undo ind, tsi bërun Nasien-batsi inja?

2 TESALONIKA 1:3

Batsaar ni wund, wund aka pëbaran Nasien-batsi tsi uleka ind, sandëndën; te aci ko u mab wi, par uwak ind aci tsi pë watsësar mak, a bëŋal bi nda ŋalëlar bi kë pelëk këpelëk tsi kara ñaan tsi ind bëlieng.

2 TIMOTEU 1:13

Teenëni irim iwar i n leents yunk a m te; liincandari ni uwak ni bëŋal tsi Këristu Yeesu.

FILEMON 1:4

Ma n ja n doon koo baran Nasien-batsi nji, tsi ngëwal bëlieng, bi n du n lesu bi tsi bëñaan nji.

BAYEBËREU 11:8

Uwak tsu wun Abraam, uwal wi na rua wi pa na tsëp tsëko tsi nu yank tsi, tsë ci bërukandaul, a na niiran a na tsëp, ŋal bi na meets bi tsi nu ya tsi.

BAYEBËREU 5:9

A uwal wi na tsua wi nan bai pëci nawar, a na ruka ci nan kaanee pëbuer pan dits pi ka ba, pa bañaan bëlieng biki kando biki ko wi na ja wi,

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 PER 3:1

Ind bakaats buts, nda welani iyeen ind tsi bayën ind. Unk uci balon tsi bukul pok pëniiran përim, bu ka gaañaara tsi undo bëci baar bukul, te u rits ci ni përim.

1 PER 4:17

Par aband uwal wi kawat-pëleents kë juundëna wi di Kato Nasien-batsi. A uci kawat-pëleents kë juundëna tsinja we ka ci wun utuami ban pok biki pëwak tsi Upetsan-uwar Nasien-batsi?

2 JOŊ 1:4

Man ci ni ulílan mak bi n tsënk bi balon tsi upätsu kë yandaar tsi ucär, pi utsua wi ngë yank wi di Asin.

3 JOŊ 1:3

Par ma lílan mak, uwal wi ba tsaar ni nja baandi wi, a ba leents ucär un ci wi tsi wi; ni bi kë yandaar bi tsi ucär.