ROOMA 6:13 - KARÚK-PËRIM KAWALU Nouveau Testament

¹³ Nin ind tsë wël incimëntsu ngëliaf ind, i ci incimëntsu karo ngëko kamabats tsi ujuban; maa nda ci bërier ind pa Nasien-batsi, pi bañaan bayësal ba natsee biki di bacäts, ndë wël incimëntsu ngëliaf ind, i ci incimëntsu karo ngëko bëmabal tsi Nasien-batsi.

ROOMA 6:13 ပူးပေါင်းရင်းမြစ်များ

LÚKAS 15:24

Par abuk nji ni, aro cats, a nul kaki ink nayësal; aro niam, a nul wina ink.’ Din a ba kur ulílan.

LÚKAS 15:32

Maa ngë ka ngë roon nja ka lílan, nja ka juc ni ulílan. Par atsau ni, aro cäts, a nul kaki ink nayësal; aro niam, a nul wina ink.’”

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

ROOMA 1:29

A ba cum ni kamabats kan ci ki ba këci, ni kawaraatsa, nikariisan-ko, ni kajuats-uwaas; bu cum ni mankocar, manfiŋar, mŋom, maniamëlan, ni karo ngëwutsëtsuel. Bu ci bakuetar,

ROOMA 12:1

Maa, mán buara ind batsaar ni nji, tsi kayëk-ipës Nasien-batsi, pa ind pëwël ngëliaf ind, nga ci bëjakan buyësal, bëyëman, ban líl bi Nasien-batsi; ko wi ka wun pëci ubëndan wi nduu ro wi.

ROOMA 6:11

Unk ind buts, nda tsuun tsi ibats ind nda cäts tsi uleka ujuban, a nda yës pa Nasien-batsi tsi Këristu Yeesu.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

ROOMA 6:19

Mán ñakan këñaan-bajin undo bërafal ngëliaf ind. A bi nda ro bunk wël incimëntsu ngëliaf ind i ci tsi pëluek tsi karo ngëko ngëtsopal ni tsi kamobats tsi ngëtsua ki kan tsu ind ki pënatsara pëkaman Nasien-batsi; unk buts, nda tsuun incimëntsu ngëliaf ind, i ci tsi pëluek tsi karo ngëko bëmabal pa pëtsu ind pëci ba yëman biki.

ROOMA 7:23

maa ma win ngëtsua ulon tsi incimëntsu uliaf nji, wi kan kaman wi ngëtsua un ci wi tsi uwejats nji, a u tsuin pëci naluek tsi ngëtsua ujuban un ci wi tsi incimëntsu uliaf nji.

ROOMA 7:5

Par uwal wi ngë ro wi ci tsi uŋal uliaf, ngi ujuban kë rí ngi, ngi ngëtsua tsu ngi tsi nja ngul ka leemp ngun tsi incimëntsu ngëliaf nja i buk mbuk pa pëcäts.

1 KORINTU 6:15

Nda meets ngëliaf ind ci incimëntsu Këristu-a? Ane man jej incimëntsu Këristu, ka ro yul incimëntsu natúk-ufuts-a? Yaas a ka ro ko wan.

1 KORINTU 6:20

Par, nda weelara përes pëñatsal. Inkri, kara ñaan tsi uliaful na rëmbani Nasien-batsi, [ni tsi uwejatsul, ngul ngan ci ngi ngi Nasien-batsi.]

1 KORINTU 6:9

Ane nda meets bamabats di ka rukanda pësien Nasien-batsi-a? Ind tsë fal iyeen ind, par nin baro ngëko katúk-ufuts, nin bajintëla-icap, nin baro-mjubi, nin baro-këkaats, nin bapiintsand upäts uyënts,

2 KORINTU 10:4

Par iŋi i wund kë kamanaan yi, cits i uyamats; maa pëyëlan yul apënë-ni tsi Nasien-batsi, pa pëcok ilënk-iwaayaraani. Wund ka gar-garan ngëtsaag ngan cits ngi ngëcar,

2 KORINTU 5:14

Par bëŋal Këristu acum tsi wund; a tsi uwejats wund, bi ñaan naloole cats bunk pa bañaan bëlieng, inkri bañaan a cäts bëlieng.

2 KORINTU 5:15

A nul, a cätsar bañaan bëlieng, pa biki ka yafënts biki, bu katse ka yafëntsar iyeen bukul bërier bukul, maa bu ka yafëntsar nan catsar unk bukul, a na natsee di pëcäts pa bukul.

2 KORINTU 8:5

Bukul bu wël apar-paran ko wi wund wejats wi; par ucäk, bu wël iyeen bukul Ajug, a ba ru wël wund tsi uŋal Nasien-batsi.

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

EFEESU 5:14

par nga wina ngi bëlieng aci ufac. Wul ka wun u jaka: “Teenani, wi ni ka ŋooyi, natsaan tsi pëncuaf bacäts, Këristu ka fietsu.”

FILIIPUS 1:20

Ko wi n dí wi mak pëwin, ni tsi uwats nji, aci nji përits kawarana koon këkawarana, maa n doon ka liincan katsëb. Këristu ka rëmbanaa tsi uliaf nji, tsi inkri ni tsi ngëwal bëlieng, uci ank pëpar-na ubiira, oo pëcäts.

KOLOS 2:13

A ind ban do biki cats undo kaguus-ko ind, ni undo kawelaatsa-kambac tsi ngëliaf ind, Nasien-batsi tsu ind a nda ci bayësal ni Këristu: Ajampësa nja ngi ngë ro ngi nga waraatsa ngi ngul bëlieng,

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

2 TESALONIKA 2:12

Din bañaan bëlieng ba uwakats biki tsi ucär ka lacana, bukul balílan tsi kamabats.

2 TIMOTEU 2:15

Támbandari kë nats tsi bërun Nasien-batsi pi ñaan na lílandëree, pi naleemp nandootsi ko wi kan tsuul wi mkaw, a nuu jukan uwar përim ucär.

JAKOB 4:1

We tsu ind wun ukam, ni pëŋom tsi pëncuaf ind? Cits iink ngëlílal ngi nda ŋal ngi, a nguu kaman ind tsi ngëliaf ind-a?

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

1 JOŊ 1:9

Uci ngë pets ngëjuban nja nul aci na mobi tsi përim, a na ci namabal; në jampësa nja ngë juban, në jëntsan nja tsi kamabats kan ci ki-ba këci.