ROOMA 6:12 - KARÚK-PËRIM KAWALU Nouveau Testament

¹² Wul ka wun, ujuban tsë ka pëyëlan tsi ngëliaf ind ngi kan cats ngi, pa ind pëmob tsi ngëko ngi u rí ngi.

ROOMA 6:12 ပူးပေါင်းရင်းမြစ်များ

ROOMA 13:14

Maa, nda tiemaan Yeesu Këristu, Ajug; ind tsuuts fierand ngëko ngi uliaf kë rí ngi, nga waraatsa ngi.

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

ROOMA 5:21

a bi ujuban sienëna bunk pëcäts, unk buts, tsi Yeesu Këristu Ajug nja di bëtseend sienëna run bamabal pa ubiira un dits wi ka ba.

ROOMA 6:14

Unk, ujuban di ka ka pëyëlan tsi ind, par nda cits tsi ngëtsua; maa tsi bëtseend Nasien-batsi.

ROOMA 6:16

Nda meets ne, bi nda niiran bunk pëci baluek, a nda mob tsi pëleempar ñaan, nda ci baluek ñaan ni nda mob unk tsi pëleempar; u ru ci ank ujuban wi kan tsu wi ñaan na cäts, oo pëmob tsi përim Nasien-batsi pi kan tsu pi ñaan na ci namabal.

ROOMA 8:11

A uci Uwejats na natsani unk Yeesu di bacäts ci di ind, a nul na natsani unk Yeesu di bacäts ka tsu un buts ngëliaf ind ngan cats ngi, nga ka ubiira tsi Uwejatsul un ci wi di ind.

ROOMA 8:13

Par uci nda ci tsi përo uŋal uliaf, ndë cats; maa uci tsi Uwejats a nda tsu ngi uliaf kë ro ngi a nga cäts, ndë ka ubiira.

2 KORINTU 4:11

A nja ba wama biki ka yafënts, nja ka tsua tsi pëcäts ngënu bëlieng tsi undo Yeesu; pa ubiira Yeesu pëpibanaa buts tsi ngëliaf nja ngan cats ngi.

2 KORINTU 5:4

Par nja ba wama biki ci tsi unkundan wi, nja ka ti tsi pëmiepa, cits pëjaa nja ngë ŋal pëwaasar, maa pëwaa; pa ubiira pëyoor uliaf wi kan cats wi.

GALAASIA 5:16

Maa, ma nja: Nda yandaari ni Uwejats Nasien-batsi, unk nda katse koo fets ngëko ngi uliaf ind kërí ngi.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 2:3

Nja bëlieng buts ngë ro ci pi bukul, nja kë yandaar tsi ngëko ngi uyamats nja kë rí ngi, nja kë ro ko wi uyamats ŋal wi, ni ko wi ngëwejats nja ŋal wi; a tsi bëci bañaan-bajin, ngë ro ci upäts uriab Nasien-batsi, pi ban duka bukunk.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

1 TESALONIKA 4:5

Nul tsë ci tsi përi ngëko katúk-ufuts, bi ban cits biki Bajudeu kë ro bi, bukul ba meets biki Nasien-batsi.

2 TIMOTEU 2:22

Túkan ngëko ngi pëtsasa kë rí ngi, kë mob tsi bëmabal, ni tsi uwak, ni tsi bëŋal, ni tsi pëfac, kë bof ni biki kandu biki Ajug ni ngëwaas ngëjëntsal.

TIITU 2:12

A buu jukani njapëwëtan karika-lënk Nasien-batsi, ni pëwëtan kari-ngëko umundu, pa tsi uwal wi ngë ci wink, nja kë yandaar tsi butsëkal, tsi bëmabal, ni tsi kalënk-Nasien-batsi;

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

1 PER 1:14

A bi nda ci bi upäts ba mob biki tsi përim, ind tsë naam bi nda ro bi ci uwal ujon tsi karí-ko, uwal wi nda ro wi ci tsi kameets-ko ind.

1 PER 2:11

Ind ba ŋala biki, mán tseend ind ibats pi nda ci batsooŋ ni bapar-këpar, pa ind përand ngëko ngi uliaf kë rí ngi, ngi kan kaman ngi uwaas.

JÚDAS 1:16

Bamënts biki ci bakuetar, barika-lílan tsi ngëbiira bukul, bu kë yandaar tsi ngi ngëliaf bukul kë rí ngi, itum bukul kë ja irim upíc; pa bëkat bukul bu kë bëndan bañaan.

JÚDAS 1:18

Iink ri ba ja ind run: “Tsi uwal utuami, ka ka bariat bañaan biki ka yandaar biki tsi kari-ngëko bukul ki kameets-nasien-batsi.”