ROOMA 5:17 - KARÚK-PËRIM KAWALU Nouveau Testament

¹⁷ Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

ROOMA 5:17 ပူးပေါင်းရင်းမြစ်များ

MATEU 25:34

Din, Nasien ka ja bukun tsi kariirul: ‘Nda bili, ind ban jaara biki ngëwar, biki Asin nji; nda rukandaan pësien pando pi yecësëra ind, ki umundu juund ki.

KAKÚRAN-KAWAR YEESU KRISTU BI JOŊ LEENŢ BI KUL AJA 10:10

Nakiej ka bi pa pëkiej rin, ni pëfiŋ, ni pëcok; maa nji man bi pa bañaan pëka ubiira, ubiira un kës wi.

ROOMA 5:12

Wul ka wun, bi ujuban niajëni bunk tsi ñaan naloole baŋ tsi umundu, a tsi undo ujuban pëcäts baandi, a unk di pëcäts yaana run bañaan-bajin bëlieng, par bañaan bëlieng bu juban.

ROOMA 5:15

Maa utseend u wëla wi bëlukats cits pi ulaci. Par uci ulaci ñaan naloole baŋ ka wun bañaan bacumal cats, andes bëtseend Nasien-batsi ni utseend u wëla wi bëlukats, un ci wi tsi ñaan naloole baŋ, nul Yeesu Këristu ape pëka bëkat tsi bañaan bacumal.

ROOMA 5:20

Maa wël ngëtsua abi pa ulaci pëwatsësar, a tsi ujuban kë watsësar tsi, bëtseend kë pe këpe pëwatsësar;

ROOMA 6:14

Unk, ujuban di ka ka pëyëlan tsi ind, par nda cits tsi ngëtsua; maa tsi bëtseend Nasien-batsi.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 8:39

nin unatsar, nin uwandar, nin ulon ko uleempa wi këleempa, yëlants pëpatsës nja ni bëŋal Nasien-batsi, ban ci bi tsi Këristu Yeesu, Ajug nja.

1 KORINTU 15:49

Bi ngë tsij bink bënaam na leempënee utsia, ngë ka pëtsij buts bënaam ñaan batsi.

1 KORINTU 4:8

Nda suets ba! Nda ruka ci barëmb! Nda ci ba basien, maa wund, nin a! Mando ŋal ind pëci basien bacar, pa wund pëyëlan pësien ni ind tsëloole.

FILIIPUS 3:9

ka winaa tsi nul, te u rits ciina tsi bëmabal nji bërierin ban pënëni bi tsi ulua-Moises, maa ban pënëni bi tsi uwak tsi Këristu. Aci bëmabal ban pënëni bi tsi Nasien-batsi a ba sëtsaraan tsi uwak.

1 TIMOTEU 1:14

A te bëtseend Ajug nja awatsësar tsi nji apar-paran, ni uwak, ni bëŋal ban ci bi tsi Këristu Yeesu.

2 TIMOTEU 2:12

uci ngë mob tsi pëmiira, n ja kee sien ni nul. Uci ngë wëtanul, nul buts nii wëtan n ja;

JAKOB 2:5

Batsaar ni nji, ind biki n ŋal biki! Nda cikëndëni-e: Nasien-batsi ratats iink ba n jaka biki tsi umundu bë ci baranj-a? Pa ba ci barëmb tsi uwak, ni barukanda pësien pi na watsan pi ba ŋalul biki.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

UPIBAN 1:6

a na tsu nja a ngë ci pësien, a ngë ci bajakan pa Nasien-batsi, Asinul: Përëmb ni pëyëlan aci pa nul, pa sandëndën. Ameen!

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 20:6

Bë naak, a ba yëman, ban bof biki tsi kanatsee-di-pëcäts kacak! Pëcäts pëtëbantsan yëlaants ko tsi bukul, maa bu ka ci bajakan Nasien-batsi ni biki Këristu, bu kë sien ni nul aa ngëwaanu umiil (1.000).

UPIBAN 22:5

Bërëm katse ka ci; ufietsar ulamp di ka fieraa, nin ufietsar unu. Par Ajug, nul Nasien-batsi, ka fiets un tsi ruets bukul. A bu kë sien, pa sandëndën.

UPIBAN 3:21

Nakuk, mán tsuul në tsoar ni nji, tsi pëtsoari nji pi pësien, bi n kuk bi a n tsoar ni Asin nji, tsi pëtsoariul pi pësien.